Nara Lokesh: కురుపాం సభలో రెడ్ బుక్ ప్రస్తావన తెచ్చిన నారా లోకేశ్

[psycopk]

Nara Lokesh: కురుపాం సభలో రెడ్ బుక్ ప్రస్తావన తెచ్చిన నారా లోకేశ్ 

13-02-2024 Tue 18:57 | Andhra

• కురుపాం శంఖారావం సభకు హాజరైన లోకేశ్
• చట్టాన్ని ఉల్లంఘించిన వారి పేర్లు రెడ్ బుక్ లో ఉన్నాయని వెల్లడి
• తాము అధికారంలోకి వచ్చాక న్యాయ విచారణ చేపడతామని స్పష్టీకరణ

 

Listen to the audio version of this article

లక్షలాది మంది నిత్యం ap7am.com ను సందర్శిస్తారు. మరి మీరు? 👍

యువగళం పాదయాత్రలో నారా లోకేశ్ చేతిలో కనిపించిన రెడ్ బుక్ ఇప్పటికీ చర్చనీయాంశంగానే ఉంది. ప్రస్తుత ఉత్తరాంధ్రలో లోకేశ్ చేపడుతున్న శంఖారావం సభలో పలుమార్లు లోకేశ్ రెడ్ బుక్ గురించి ప్రస్తావించారు. ఈ సాయంత్రం కురుపాం సభలోనూ లోకేశ్ రెడ్ బుక్ గురించి మాట్లాడారు. 

చట్టాన్ని ఉల్లంఘించిన అధికారుల పేర్లు రెడ్ బుక్ లో ఉన్నాయని స్పష్టం చేశారు. టీడీపీ అధికారంలోకి వచ్చాక రెడ్ బుక్ లో ఉన్నవారిపై న్యాయ విచారణ చేపడతాం అని తెలిపారు. ఎర్ర బుక్ అంటే వైసీపీ నేతలు ఉచ్చ పోసుకుంటున్నారని లోకేశ్ ఎద్దేవా చేశారు. 

"ఊరూరా లోకేశ్ ఎర్ర బుక్ చూపిస్తున్నాడని నాపై కోర్టుకు వెళ్లారు. నాన్ బెయిలబుల్ వారెంట్ జారీ చేయండి అని కోర్టుకెక్కారు. అరే... వారెంట్ ఎందుకయ్యా... నేను ఇక్కడే ఉన్నాను కదా... మీ జగన్ లాగా బెయిల్ తీసుకుని భయపడే వ్యక్తిని కాను. దమ్ము ధైర్యం గల వ్యక్తిని నేను. ఏ తప్పు చేయలేదు కాబట్టే ఇవాళ నేను ప్రజల మధ్యకు వచ్చాను" అని స్పష్టం చేశారు. 

అరాచకాలకు ఎదురొడ్డి పోరాడుతున్న కొందరు కార్యకర్తలపై రౌడీషీట్లు తెరిచారని, తాము అధికారంలోకి వచ్చాక కోర్టుకు వెళ్లి ఆ రౌడీషీట్లు ఎత్తేసే బాధ్యత నాది అని సభా ముఖంగా హామీ ఇచ్చారు. 

 

[psycopk]

Nara Lokesh: జగన్ దిక్కుమాలిన పాలనకు నిదర్శనం ఈ రోడ్డు: నారా లోకేశ్ 

13-02-2024 Tue 17:52 | Andhra

• ఉమ్మడి శ్రీకాకుళం జిల్లాలో నారా లోకేశ్ శంఖారావం యాత్ర
• పాలకొండ నుంచి కురుపాం వెళ్లేందుకు గతుకుల రోడ్డులో ప్రయాణం
• సెల్ఫీ ఫొటో విడుదల చేసిన లోకేశ్ 

 

Listen to the audio version of this article

లక్షలాది మంది నిత్యం ap7am.com ను సందర్శిస్తారు. మరి మీరు? 👍

టీడీపీ జాతీయ ప్రధాన కార్యదర్శి నారా లోకేశ్ ఉమ్మడి శ్రీకాకుళం జిల్లాలో శంఖారావం యాత్ర కొనసాగిస్తున్నారు. కురుపాం వెళ్లే క్రమంలో గతుకుల రోడ్లపై ప్రయాణించిన ఆయన మార్గమధ్యంలో వాహనం ఆపి రోడ్డు పరిస్థితిని పరిశీలించారు. అక్కడ ఓ సెల్ఫీ తీసుకున్నారు. అంతేకాదు, గతుకుల రోడ్డు సెల్ఫీ ఫొటోతో పాటు పత్రికా ప్రకటన విడుదల చేశారు. 

"రాష్ట్రంలో జగన్మోహన్ రెడ్డి దివాలాకోరు పాలనకు ప్రత్యక్ష నిదర్శనం ఈ రోడ్డు. పాలకొండ నుంచి కురుపాం శంఖారావం సభలో పాల్గొనేందుకు వెళ్తుంటే కంకర పరిచి వదిలేసిన ఈ రహదారి కనిపించింది. విషయమేమిటని స్థానికులను వాకబు చేయగా, కాంట్రాక్టర్ కు బిల్లులు ఇవ్వకపోవడంతో సగంలో వదిలేసి వెళ్లాడని తేలింది.

జగన్ అధికారంలోకి వచ్చాక రాష్ట్రవ్యాప్తంగా కాంట్రాక్టర్లకు రూ.1.80 లక్షల కోట్లు బకాయి పెట్టడంతో ఈ ప్రభుత్వ పనులు చేయడం తమవల్ల కాదని కాంట్రాక్టర్లు పరారైపోతున్నారు. అధికారపార్టీ నాయకులకు అడ్డగోలు దోపిడీపై తప్ప అభివృద్ధి పనులపై ఆసక్తిలేదు. జగన్ దిక్కుమాలిన పాలనకు ఇంతకంటే ఏం నిదర్శనం కావాలి?" అంటూ ధ్వజమెత్తారు.

[psycopk]

Nara Lokesh: మీ బిడ్డను అని జగన్ ఎందుకు చెప్పుకుంటాడో ఇప్పుడు నాకు అర్థమైంది: నారా లోకేశ్ 

13-02-2024 Tue 16:10 | Andhra

• పాలకొండలో శంఖారావం సభ
• హాజరైన నారా లోకేశ్
• సీఎం జగన్ పై విమర్శనాస్త్రాలు
• జగన్ ను తల్లి, చెల్లే నమ్మడంలేదని ఎద్దేవా

 

Listen to the audio version of this article

లక్షలాది మంది నిత్యం ap7am.com ను సందర్శిస్తారు. మరి మీరు? 👍

టీడీపీ జాతీయ ప్రధాన కార్యదర్శి నారా లోకేశ్ ఉమ్మడి శ్రీకాకుళం జిల్లాలో శంఖారావం యాత్ర కొనసాగిస్తున్నారు. నేడు శంఖారావం యాత్రకు మూడో రోజు కాగా, పాలకొండ నియోజకవర్గంలో ఏర్పాటు చేసిన సభకు లోకేశ్ హాజరయ్యారు. 

ఇటీవల విడుదలైన యాత్ర-2 చిత్రాన్ని తన ప్రసంగంలో ప్రస్తావించారు. కోట్ల రూపాయలు ఖర్చు పెట్టి యాత్ర-2 సినిమా తీశారని అన్నారు. వైసీపీ నేతలకు టికెట్లు ఇచ్చి ఆ సినిమా చూడాలని అడుక్కునే పరిస్థితి వచ్చిందని ఎద్దేవా చేశారు. వైసీపీకి అంతిమయాత్ర మొదలైందని లోకేశ్ స్పష్టం చేశారు. 

ఇక, జగన్ కు రంగుల బొమ్మలు అంటే చాలా ఇష్టమని, టీడీపీ హయాం నాటి భవనాలకు రంగులేసుకుని గొప్పలు చెప్పుకుంటున్నారని విమర్శించారు. మీ బిడ్డను అంటూ జగన్ పదే పదే ఎందుకు చెప్పుకుంటాడో ఇప్పుడు నాకు అర్థమైంది... మీ బిడ్డను కాబట్టి మీ భూములు నాకే ఇవ్వండి అని చెబుతారు అంటూ లోకేశ్ వ్యంగ్యం ప్రదర్శించారు. 

"జగన్ ను సూటిగా ప్రశ్నిస్తున్నా... మీ తల్లి, చెల్లే మిమ్మల్ని నమ్మట్లేదు... మిమ్మల్ని మేం ఎలా నమ్మాలి? ఎన్నికల ముందు తల్లిని, చెల్లిని ఉపయోగించుకున్నాడు. పాపం... వాళ్లు మన ప్రాంతానికి కూడా వచ్చి ప్రచారం చేశారు. ఇప్పుడా తల్లిని, చెల్లిని జగన్ మెడపట్టి బయటకు గెంటేశాడు. 

సొంత చెల్లెలు షర్మిల ఒకవైపు, సునీత మరోవైపు మాకు రక్షణ లేదు... రక్షణ కల్పించండి అని చెప్పే పరిస్థితి వచ్చింది. వాళ్లింట్లో ఉన్న ఆడపడుచులకే రక్షణ లేకపోతే, తెలుగింటి ఆడపడుచుల పరిస్థితి ఎలా ఉంటుందో చూడండి. షర్మిల వచ్చి ఈ ప్రభుత్వానికి వ్యతిరేకంగా మాట్లాడుతుంటే... పేటీఎం కుక్కలు మొరుగుతున్నాయి. ఆమెపై వ్యక్తిగతంగా ఆరోపణలు చేస్తున్నారు. 

ఏపీలో జగన్ పని అయిపోయింది... పక్క రాష్ట్రానికి పారిపోయేందుకు సిద్ధమవుతున్నాడు... మరి పేటీఎం బ్యాచ్ పరిస్థితి ఏంటో ఒక్కసారి ఆలోచించుకోవాలి" అంటూ లోకేశ్ పేర్కొన్నారు.

[psycopk]

Nara Lokesh: రేపు ఉమ్మడి విజయనగరం జిల్లాలో నారా లోకేశ్ శంఖారావం... పూర్తి షెడ్యూల్ ఇదిగో! 

13-02-2024 Tue 21:33 | Andhra

• ఫిబ్రవరి 11 నుంచి ఉత్తరాంధ్రలో టీడీపీ శంఖారావం
• వరుసగా సభల్లో పాల్గొంటున్న నారా లోకేశ్
• రోజుకు మూడు నియోజకవర్గాల్లో పర్యటన

 

లక్షలాది మంది నిత్యం ap7am.com ను సందర్శిస్తారు. మరి మీరు? 👍

టీడీపీ జాతీయ ప్రధాన కార్యదర్శి నారా లోకేశ్ ఫిబ్రవరి 11 నుంచి ఉత్తరాంధ్రలో శంఖారావం యాత్ర జరుపుతున్నారు. రేపు ఉమ్మడి విజయనగరం జిల్లాలోని పలు నియోజకవర్గాల్లో పర్యటించి సభల్లో పాల్గొంటారు. పార్వతీపురం అసెంబ్లీ నియోజకవర్గం నుంచి రేపటి శంఖారావం యాత్ర ప్రారంభం కానుంది. మధ్యాహ్నం సాలూరు నియోజకవర్గంలో, సాయంత్రం బొబ్బిలి నియోజకవర్గంలో శంఖారావం సభల్లో పాల్గొంటారు.

14-2-2024 (బుధవారం) కార్యక్రమ వివరాలు

ఉమ్మడి విజయనగరం జిల్లా

పార్వతీపురం అసెంబ్లీ నియోజకవర్గం
ఉదయం
10.15  – అరకు పార్లమెంట్ టీడీపీ అధ్యక్షుడు కిడారి శ్రావణ్ కుమార్ ప్రసంగం.
10.20 – ఉమ్మడి విజయనగరం జిల్లా జనసేన అధ్యక్షురాలు లోకం నాగ మాధవి ప్రసంగం.
10.25 – మన టీడీపీ యాప్ లో ప్రతిభ కనబర్చిన వారికి లోకేశ్ అభినందన.
10.32– పార్వతీపురం నియోజకవర్గ జనసేన సమన్వయకర్త ఏ.మోహన్ రావు ప్రసంగం. 
10.34– పార్వతీపురం నియోజకవర్గ టీడీపీ ఇంఛార్జ్ బోనెల విజయ్ చంద్ర ప్రసంగం.
10.36– పార్వతీపురం శంఖారావం సభలో లోకేశ్ ప్రసంగం.
10.56– పార్టీ కేడర్ తో లోకేశ్ ముఖాముఖి.
11.26– పార్టీ కేడర్ కు లోకేశ్ చేతుల మీదుగా 'బాబు సూపర్ - 6' కిట్ల అందజేత.
11.28– పార్టీ కేడర్ తో ప్రతిజ్ఞ చేయించనున్న లోకేశ్.
11.29 – పార్టీకేడర్ తో లోకేశ్ గ్రూప్ సెల్ఫీ.
12.45 – నారా లోకేశ్ సాలూరు చేరిక.
12.45 – సాలూరు పట్టణంలో భోజన విరామం.

సాలూరు అసెంబ్లీ నియోజకవర్గం
మధ్యాహ్నం
2.15  – అరకు పార్లమెంట్ టీడీపీ అధ్యక్షుడు కిడారి శ్రావణ్ కుమార్ ప్రసంగం.
2.20 – ఉమ్మడి విజయనగరం జిల్లా జనసేన అధ్యక్షురాలు లోకం నాగ మాధవి ప్రసంగం.
2.25 – మన టీడీపీ యాప్ లో ప్రతిభ కనబర్చిన వారికి లోకేశ్ అభినందన.
2.32– సాలూరు నియోజకవర్గ జనసేన సమన్వయకర్త జి.రిషివర్థన్ ప్రసంగం.
2.34– సాలూరు నియోజకవర్గ టీడీపీ ఇంఛార్జ్ గుమ్మడి సంధ్యారాణి ప్రసంగం.
2.36– సాలూరు శంఖారావం సభలో లోకేశ్ ప్రసంగం.
2.56– పార్టీ కేడర్ తో లోకేశ్ ముఖాముఖి.
3.26– పార్టీ కేడర్ కు లోకేశ్ చేతుల మీదుగా 'బాబు సూపర్ - 6' కిట్ల అందజేత.
3.28– పార్టీ కేడర్ తో ప్రతిజ్ఞ చేయించనున్న లోకేశ్.
3.29 – పార్టీకేడర్ తో లోకేశ్ సెల్ఫీ.
4.00 – నారా లోకేశ్ బొబ్బిలి అసెంబ్లీ నియోజకవర్గానికి చేరిక.

బొబ్బిలి నియోజకవర్గం
సాయంత్రం
4.45 – విజయనగరం పార్లమెంట్ టీడీపీ అధ్యక్షుడు కిమిడి నాగార్జున ప్రసంగం.
4.50 – ఉమ్మడి విజయనగరం జిల్లా జనసేన అధ్యక్షురాలు లోకం నాగ మాధవి ప్రసంగం.
4.55 – బాబు ష్యూరిటీ భవిష్యత్తుకు గ్యారంటీ, మన టీడీపీ యాప్ లో ప్రతిభ కనబర్చిన వారికి లోకేశ్ అభినందన.
5.02 – బొబ్బిలి నియోజకవర్గ జనసేన సమన్వయకర్త జి.అప్పలస్వామి ప్రసంగం.
5.04 – బొబ్బిలి నియోజకవర్గ టీడీపీ ఇన్ చార్జ్ ఆర్వీఎస్ కేకే రంగారావు (బేబీనాయన) ప్రసంగం.
5.06 – బొబ్బిలి శంఖారావంలో నారా లోకేశ్ ప్రసంగం.
5.26 – పార్టీ కార్యకర్తలతో లోకేశ్ ముఖాముఖి.
5.56 – పార్టీ కేడర్ కు 'బాబు సూపర్-6' కిట్ల అందజేత.
5.58 – టీడీపీ కార్యకర్తలచే లోకేశ్ ప్రతిజ్ఞ.
5.59 – పార్టీ కేడర్ తో లోకేశ్ గ్రూప్ సెల్ఫీ.
6.00 – రోడ్డుమార్గం ద్వారా రాజాం ప్రయాణం.
6.40 – రాజాం చేరుకుని, అక్కడ బస చేస్తారు.