ఏపీలో కూటమిదే గెలుపు అని ఇండియాటుడే, ఏబీపీ, న్యూస్18 సర్వేలు తేల్చేశాయి: నారా లోకేశ్

[psycopk]

Nara Lokesh: ఏపీలో కూటమిదే గెలుపు అని ఇండియాటుడే, ఏబీపీ, న్యూస్18 సర్వేలు తేల్చేశాయి: నారా లోకేశ్ 

14-03-2024 Thu 21:50 | Andhra

• ఏపీలో టీడీపీ-జనసేన-బీజేపీ కూటమి 18 స్థానాలు గెలుస్తుందన్న న్యూస్18
• ప్రజలు కూటమినే నమ్ముతున్నారన్న లోకేశ్
• ప్రజల నమ్మకాన్నే జాతీయ సర్వేలు స్పష్టం చేస్తున్నాయని వెల్లడి
• "హలో... వై నాట్ 175 జగన్... ఛలో లండన్" అంటూ వ్యంగ్యం

 

ఏపీలో 25 ఎంపీ స్థానాలు ఉండగా... బీజేపీ-టీడీపీ-జనసేన కూటమి 18 లోక్ సభ స్థానాలు గెలుచుకుంటుందని జాతీయ మీడియా సంస్థ న్యూస్18 సర్వే వెల్లడించింది. గత ఎన్నికల్లో 22 స్థానాలు గెలిచిన వైసీపీ ఈసారి 7 ఎంపీ స్థానాలకే పరిమితమవుతుందని తెలిపింది. దీనిపై టీడీపీ జాతీయ ప్రధాన కార్యదర్శి నారా లోకేశ్ స్పందించారు. 

ఏపీలో మూడు పార్టీల కూటమిదే విజయం అని సర్వేలు చెబుతున్నాయని తెలిపారు. ఇండియాటుడే, ఏబీపీ, న్యూస్18 సర్వేలు కూటమిదే గెలుపు అని తేల్చేశాయని పేర్కొన్నారు. సైకో జగన్ చేతిలో రాష్ట్రం నాశనమైందని, కూటమితోనే ఏపీ పునర్ నిర్మాణం సాధ్యమని ప్రజలు నమ్ముతున్నారని లోకేశ్ స్పష్టం చేశారు. కూటమిపై ప్రజల నమ్మకాన్ని జాతీయ సర్వేలు ప్రతిబింబిస్తున్నాయని వివరించారు. 

ఏపీలోని ఎంపీ స్థానాల్లో 17 వరకు టీడీపీ గెలుచుకుంటుందని ఇండియా టుడే చెప్పిందని... ఏపీలో 20 ఎంపీ స్థానాల్లో కూటమిదే విజయం అని ఏబీపీ సర్వే చెప్పిందని లోకేశ్ గుర్తు చేశారు. ఇప్పుడు ఏపీలో 18 స్థానాల్లో ఎన్డీయే భాగస్వామ్య పక్షాలదే విజయం అని న్యూస్18 సర్వే చెప్పిందని వెల్లడించారు. 

ఈసారి ఎన్నికల్లో ఎదురయ్యే దారుణ పరాజయం నుంచి జగన్ గ్యాంగ్ తప్పించుకోవడం అసాధ్యమని పేర్కొన్నారు. ప్రజా వ్యతిరేక తుపానులో వైసీపీకి అంతిమయాత్ర ఖాయమని తెలిపారు. వైసీపీ జెండాను శాశ్వతంగా పాతిపెట్టే సమయం వచ్చిందని వ్యాఖ్యానించారు. "హలో... వై నాట్ 175 జగన్... ఛలో లండన్" అంటూ లోకేశ్ వ్యంగ్యం ప్రదర్శించారు

[psycopk]

BJP: 411 స్థానాల్లో ఎన్డీయే కూటమి గెలుపు: న్యూస్18 మెగా ఒపీనియన్ పోల్ సర్వే వెల్లడి.. ఏ రాష్ట్రంలో ఎవరికి... ఎన్ని? 

14-03-2024 Thu 22:16 | National

• తెలుగు రాష్ట్రాల్లో 42 లోక్ సభ స్థానాలకు గాను 25 సీట్లు గెలుచుకోనున్న ఎన్డీయే
• ఉత్తర ప్రదేశ్‌లో 80 లోక్ సభ స్థానాలకు 77 చోట్ల విజయం వరిస్తుందన్న సర్వే
• గుజరాత్, రాజస్థాన్, ఢిల్లీ సహా పలు రాష్ట్రాల్లో బీజేపీ క్లీన్ స్వీప్ చేయనుందని విశ్లేషించిన సర్వే

 

రాబోయే పార్లమెంట్ ఎన్నికల్లో ఎన్డీయే కూటమి 400కు పైగా లోక్ సభ సీట్లను గెలిచి అద్భుత విజయం సాధించే అవకాశం ఉందని న్యూస్18 మెగా ఒపీనియన్ పోల్ సర్వే తెలిపింది. 543 సీట్లకు గాను బీజేపీ నేతృత్వంలోని ఎన్డీయే కూటమి 411 సీట్లు గెలుచుకోవచ్చునని, కాంగ్రెస్ ఆధ్వర్యంలోని ఇండియా కూటమి 105 సీట్లు గెలుచుకోవచ్చునని, ఇతరులు 27 సీట్లు గెలుచుకోవచ్చునని సర్వే విశ్లేషించింది.

స్వతంత్ర భారతదేశంలో కాంగ్రెస్ పార్టీకి 1985లో 426 సీట్లు వచ్చాయి. ఆ తర్వాత ఇప్పుడు ఎన్డీయే 400 మార్కును దాటవచ్చునని ఈ సర్వే వెల్లడించింది. బీజేపీ సొంతగా 350 సీట్లు గెలుచుకోవచ్చునని.. మిత్రపక్షాలతో కలిసి 61 గెలుచుకోవచ్చునని తెలిపింది. కాంగ్రెస్ కేవలం 49 సీట్లకే పరిమితం కానుందని ఈ సర్వే వెల్లడించింది. ఇండియా కూటమిలోని ఇతర మిత్రపక్షాలు 56 సీట్లు గెలుచుకోవచ్చునని తెలిపింది.

ఆంధ్రప్రదేశ్‌లో ఎన్డీయే కూటమిలోని బీజేపీ, టీడీపీ, జనసేనకు 18 సీట్లు, వైసీపీకి 7 సీట్లు రావొచ్చునని ఈ సర్వే అంచనా వేసింది. తెలంగాణలో 17 లోక్ సభ స్థానాలకు గాను బీజేపీ 8, కాంగ్రెస్ 6, బీఆర్ఎస్ 2, మజ్లిస్ 1 సీటు గెలిచే అవకాశముందని తెలిపింది. ఉత్తర ప్రదేశ్, మధ్యప్రదేశ్, బీహార్, హర్యానా, హిమాచల్ ప్రదేశ్, ఢిల్లీ, కర్ణాటక, అసోం, రాజస్థాన్, ఉత్తరాఖండ్, ఛత్తీస్‌గఢ్, ఝార్ఖండ్, గుజరాత్, మహారాష్ట్రలలో బీజేపీ క్లీన్ స్వీప్ చేసే అవకాశముందని తెలిపింది. తమిళనాడు, కేరళలో తక్కువ సీట్లు గెలుచుకున్నప్పటికీ మంచి ప్రదర్శన కనబరుస్తుందని సర్వే పేర్కొంది. పశ్చిమ బెంగాల్‌లో తృణమూల్ కాంగ్రెస్ పార్టీ కంటే ఎక్కువ సీట్లు గెలుచుకోనుందని సర్వే విశ్లేషించింది.

1. బీహార్ (40) - NDA 38, INDIA 2
2. కేరళ (20) - UDF 14, LDF 4, BJP 2
3. మధ్యప్రదేశ్ (29) - BJP 28, INDIA 1
4. తమిళనాడు (39) - INDIA 30, BJP 5, ADMK 4
5. హర్యానా (10) - BJP 10, INDIA 0
6. హిమాచల్ ప్రదేశ్ (4) - BJP 4, INDIA 0
7. పంజాబ్ (13) - AAP 1, INDIA 7, BJP 3, ఇతరులు 2
8. ఢిల్లీ (7) - BJP 7, INDIA 0
9. ఉత్తర ప్రదేశ్ (80) - BJP 77, INDIA 2, ఇతరులు 1
10. తెలంగాణ (17) - BJP 8, INDIA 6, BRS 2, ఇతరులు 1
11. ఆంధ్రప్రదేశ్ (25) - NDA 18, YSRCP 7, INDIA 0
12. కర్ణాటక (28) - BJP 25, INDIA 3
13. అసోం (14) - BJP 12, INDIA 0, ఇతరులు 2
14. రాజస్థాన్ (25) - BJP 25, INDIA 0
15. ఉత్తరాఖండ్ (5) - BJP 5, INDIA 0
16. ఒడిశా (21) - BJP 13, BJD 8, INDIA 1
17. చత్తీస్‌గఢ్ (11) - BJP 10, INDIA 1
18. ఝార్ఖండ్ (14) - BJP 12, INDIA 2
19. పశ్చిమ బెంగాల్ (42) - NDA 25, TMC 17, Congress 0
20. గుజరాత్ (26) - BJP 26, INDIA 0
21. మహారాష్ట్ర (48) - NDA 41, INDIA 7
22. ఈశాన్య రాష్ట్రాలు, ఇతర సీట్లు (25) - NDA 17, INDIA 8

[psycopk]

One Nation One Election: ఒకే దేశం ఒకే ఎన్నిక... రాష్ట్రపతికి నివేదిక సమర్పించిన రామ్ నాథ్ కోవింద్ కమిటీ 

14-03-2024 Thu 22:07 | National

• ఏక కాలంలో లోక్ సభ ఎన్నికలతోపాటు అన్ని రాష్ట్రాల అసెంబ్లీ ఎన్నికలు 
• రామ్ నాథ్ కోవింద్ నేతృత్వంలో కమిటీ ఏర్పాటు
• ఆరు నెలల పాటు దేశవ్యాప్తంగా పర్యటించిన కోవింద్ కమిటీ
• 18,629 పేజీలతో నివేదిక 

 

దేశంలో లోక్ సభ ఎన్నికలతో పాటు అన్ని రాష్ట్రాలు/కేంద్రపాలిత ప్రాంతాల అసెంబ్లీ ఎన్నికలు ఒకేసారి నిర్వహించాలన్న ఉద్దేశంతో ఒకే దేశం ఒకే ఎన్నిక నినాదాన్ని మోదీ సర్కారు తెరపైకి తెచ్చింది. జమిలి ఎన్నికల నిర్వహణ సాధ్యాసాధ్యాలపై అధ్యయనం కోసం మాజీ రాష్ట్రపతి రామ్ నాథ్ కోవింద్ నేతృత్వంలో ఓ కమిటీని కూడా ఏర్పాటు చేశారు. 

కోవింద్ కమిటీ ఆరు నెలల పాటు దేశవ్యాప్తంగా పర్యటించి వివిధ రాజకీయ పార్టీలు, పౌర సంఘాలు, వివిధ వర్గాలతో సమావేశమై జమిలి ఎన్నికలపై అభిప్రాయ సేకరణ జరిపింది. తాజాగా 18,629 పేజీల నివేదికను రామ్ నాథ్ కోవింద్ కమిటీ రాష్ట్రపతి ద్రౌపది ముర్ముకు సమర్పించింది. జమిలి ఎన్నికలు నిర్వహించాలంటే రాజ్యాంగంలోని చివరి ఐదు ఆర్టికల్స్ ను సవరించాల్సి ఉంటుందని కమిటీ సిఫారసు చేసింది. 

మరోవైపు, జమిలి ఎన్నికలపై జాతీయ లా కమిషన్ కూడా తన నివేదికను రూపొందించింది. జమిలి ఎన్నికల నిర్వహణకు వీలు కల్పించేలా రాజ్యాంగంలో ఒక ప్రత్యేక అధ్యాయాన్ని చేర్చాలని లా కమిషన్ సిఫారసు చేయనున్నట్టు తెలుస్తోంది.