13th May AP Polling & Country wide Loksabha 7 phases begin April 19!

[psycopk]

AP TS Elections: ఏపీ, తెలంగాణల్లో ఒకే రోజు ఎన్నికలు 

16-03-2024 Sat 16:52 | Both States

• లోక్ సభ, 4 రాష్ట్రాల అసెంబ్లీ ఎన్నికలకు షెడ్యూల్ విడుదల
• ఏపీ, తెలంగాణల్లో మే 13న పోలింగ్
• ఏపీలో లోక్ సభ, శాసనసభ.. టీఎస్ లో లోక్ సభ ఎన్నికలు

 

దేశ వ్యాప్తంగా ఎన్నికల నగారా మోగింది. లోక్ సభ ఎన్నికలతో పాటు, 4 రాష్ట్రాలకు ఎన్నికలు జరగనున్నాయి. 7 విడతల్లో జరిగే లోక్ సభ ఎన్నికలు ఏప్రిల్ 19 నుంచి ప్రారంభం కానున్నాయి. ఏప్రిల్ 19న అరుణాచల్ ప్రదేశ్, సిక్కిం రాష్ట్రాల్లో లోక్ సభతో పాటు అసెంబ్లీకి కూడా ఎన్నికలు జరుగుతాయి. 

తెలుగు రాష్ట్రాలైన ఏపీ, తెలంగాణ విషయానికి వస్తే... ఒకే రోజున మే 13న ఎన్నికలు జరగనున్నాయి. ఏపీలో పార్లమెంట్, అసెంబ్లీకి పోలింగ్ జరగనుండగా... తెలంగాణలో లోక్ సభ ఎన్నికలు జరుగుతాయి. తెలంగాణలో ఇటీవలే అసెంబ్లీ ఎన్నికలు జరిగిన సంగతి తెలిసిందే. జూన్ 4న కౌంటింగ్ జరుగుతుంది. మరోవైపు ఎన్నికల షెడ్యూల్ వెలువడిన నేపథ్యంలో... దేశ వ్యాప్తంగా ఎన్నికల కోడ్ అమల్లోకి వచ్చింది.

[psycopk]

Chandrababu: ఐదేళ్లుగా ఎదురు చూసింది ఈ రోజు కోసమే: చంద్రబాబు 

16-03-2024 Sat 16:36 | Andhra

• ఏపీ అసెంబ్లీ ఎన్నికలకు, లోక్ సభ ఎన్నికలకు షెడ్యూల్ ప్రకటించిన ఈసీ
• ఏపీలో మే 13న పోలింగ్... జూన్ 4న కౌంటింగ్
• జగన్ కు కౌంట్ డౌన్ స్టార్ట్ అయిందన్న చంద్రబాబు
• ఇక రాష్ట్రానికి అన్నీ మంచి రోజులేనని వెల్లడి  

 

కేంద్ర ఎన్నికల సంఘం నేడు ఏపీ అసెంబ్లీ ఎన్నికల షెడ్యూల్ ప్రకటించిన నేపథ్యంలో టీడీపీ అధినేత చంద్రబాబు సోషల్ మీడియా ద్వారా స్పందించారు. ఐదేళ్లుగా ఐదు కోట్ల మంది రాష్ట్ర ప్రజలు ఎదురు చూసింది ఈ రోజు కోసమేనని పేర్కొన్నారు. ఎన్నికల షెడ్యూల్ వచ్చింది... జగన్ కు కౌంట్ డౌన్ స్టార్ట్ అయింది... ఇక పోలింగే మిగిలింది అని ట్వీట్ చేశారు. ఒక్క చాన్స్ ప్రభుత్వానికి ఒక నో చాన్స్ అని ప్రజలు స్వేచ్ఛగా, నిర్భయంగా ప్రజాగళం వినిపించే రోజు వచ్చింది అని చంద్రబాబు వివరించారు. నవశకం వైపు ప్రయాణంలో తొలి అడుగుకు స్వాగతం పలుకుదాం అని పిలుపునిచ్చారు. ఇక రాష్ట్రానికి అన్నీ మంచి రోజులేనని తెలిపారు. ఏపీలో మే 13న అసెంబ్లీ, లోక్ సభ ఎన్నికలు నిర్వహిస్తుండగా, జూన్ 4న కౌంటింగ్ జరగనుంది.