టీడీపీ అభ్య‌ర్థుల మూడో జాబితా విడుద‌ల‌

[psycopk]

TDP: టీడీపీ అభ్య‌ర్థుల మూడో జాబితా విడుద‌ల‌ 

22-03-2024 Fri 11:17 | Andhra

• జాబితాలో 11 అసెంబ్లీ, 13 పార్ల‌మెంట్ అభ్య‌ర్థుల‌ను ఖ‌రారు చేసిన టీడీపీ
• పొత్తులో భాగంగా 144 అసెంబ్లీ, 17 పార్ల‌మెంట్ స్థానాల్లో టీడీపీ పోటీ 
• 5 శాస‌న‌స‌భ‌, 4 ఏంపీ స్థానాల‌ను పెండింగులో పెట్టిన అధినేత చంద్ర‌బాబు నాయుడు

 

టీడీపీ అభ్య‌ర్థుల మూడో జాబితా విడుద‌లైంది. 11 అసెంబ్లీ స్థానాల‌తో పాటు 13 పార్ల‌మెంట్ అభ్య‌ర్థుల‌ను ఈ జాబితాలో పార్టీ ప్ర‌క‌టించ‌డం జ‌రిగింది. పొత్తులో భాగంగా 144 అసెంబ్లీ, 17 పార్ల‌మెంట్ స్థానాల్లో టీడీపీ పోటీ చేయ‌నున్న విష‌యం విదిత‌మే. దీనిలో భాగంగా ఇదివ‌ర‌కే 128 అసెంబ్లీ స్థానాల‌కు అభ్య‌ర్థుల‌ను ప్ర‌క‌టించింది. ఇప్పుడు మ‌రో 11 మంది అభ్య‌ర్థుల‌ను ఖ‌రారు చేసింది. కాగా, మ‌రో ఐదు శాస‌న‌స‌భ‌, నాలుగు ఏంపీ స్థానాల‌ను పెండింగులో పెట్టింది. 

11 మంది అసెంబ్లీ అభ్య‌ర్థులు వీరే
1. ప‌లాస - గౌతు శిరీష‌
2. పాత‌ప‌ట్నం - మామిడి గోవింద్ రావు
3. శ్రీకాకుళం - గొండు శంక‌ర్‌
4. శృంగ‌వ‌ర‌పు కోట - కోళ్ల ల‌లితా కుమారి
5. కాకినాడ సిటీ - వ‌న‌మాడి వెంక‌టేశ్వ‌ర రావు
6. అమ‌లాపురం - అయితాబ‌త్తుల ఆనంద రావు
7. పెన‌మ‌లూరు (ఎస్సీ) - బోడె ప్ర‌సాద్‌
8. మైల‌వ‌రం - వ‌సంత వెంక‌ట కృష్ణ ప్ర‌సాద్‌
9. న‌ర‌స‌రావుపేట - డాక్ట‌ర్ చ‌ద‌ల‌వాడ అర‌వింద్‌ బాబు
10. చీరాల - మ‌ద్దులూరి మాల‌కొండ‌య్య యాద‌వ్‌
11. స‌ర్వేప‌ల్లి - సోమిరెడ్డి చంద్ర‌మోహ‌న్ రెడ్డి

13 మంది పార్ల‌మెంట్ అభ్య‌ర్థుల జాబితా
1. శ్రీకాకుళం - కింజ‌రాపు రామ్మోహ‌న్ నాయుడు
2. విశాఖ‌ప‌ట్నం - మాత్కుమిల్లి భ‌ర‌త్‌
3. అమ‌లాపురం - గంటి హ‌రీష్ మాధుర్‌
4. ఏలూరు - పుట్ట మ‌హేష్ యాద‌వ్‌
5. విజ‌య‌వాడ‌- కేశినేని శివ‌నాధ్ (చిన్ని)
6. గుంటూరు - పెమ్మ‌సాని చంద్ర‌శేఖ‌ర్‌
7. న‌ర‌స‌రావుపేట - లావు శ్రీకృష్ణ దేవ‌రాయ‌లు
8. బాప‌ట్ల - టీ. కృష్ణ ప్ర‌సాద్‌
9. నెల్లూరు - వేమిరెడ్డి ప్ర‌భాక‌ర్ రెడ్డి
10. చిత్తూరు - ద‌గ్గుమ‌ళ్ల ప్ర‌సాద్ రావు
11. క‌ర్నూలు - బ‌స్తిపాటి నాగ‌రాజు (పంచ‌లింగాల నాగ‌రాజు)
12. నంద్యాల - బైరెడ్డి శ‌బ‌రి
13. హిందూపూర్ - బీకే పార్థ‌సార‌ధి

[psycopk]

Chandrababu: ఎన్డీయేలో చేరడానికి కారణం ఇదే: చంద్రబాబు 

22-03-2024 Fri 12:02 | Andhra

• నేడు మూడో జాబితా విడుదల చేసిన టీడీపీ
• రాష్ట్ర ప్రయోజనాల కోసమే ఎన్డీయేలో చేరామని వెల్లడి
• ప్రజలారా దీవించండి అంటూ ట్వీట్

 

లోక్ సభ, శాసనసభకు పోటీ చేసే అభ్యర్థుల మూడో జాబితాను తెలుగుదేశం పార్టీ విడుదల చేసింది. 13 మంది పార్లమెంట్, 11 మంది ఎమ్మెల్యే అభ్యర్థులను టీడీపీ ప్రకటించింది. ఈ సందర్భంగా టీడీపీ అధినేత చంద్రబాబు ఎక్స్ వేదికగా స్పందిస్తూ...  రాష్ట్ర ప్రజల ప్రయోజనాలే ఏకైక అజెండాగా ఎన్డీయేలో చేరామని చెప్పారు. పార్లమెంటులో బలమైన గళం వినిపిస్తూ... రాష్ట్రం కోసం పోరాడగల నాయకులనే అభ్యర్థులుగా నిలబెడుతున్నామని తెలిపారు. పార్లమెంటుకు పోటీ చేసే 13 మంది తెలుగుదేశం అభ్యర్థులను, వీరితో పాటు మరో 11 అసెంబ్లీ స్థానాలకు కూడా అభ్యర్థులను ప్రజాభిప్రాయం మేరకు ఎంపిక చేసి ప్రకటిస్తున్నామని చెప్పారు. ప్రజలారా దీవించండి అంటూ ట్వీట్ చేశారు. మరోవైపు తాజా జాబితాలో బోడె ప్రసాద్, సోమిరెడ్డి చంద్రమోహన్ రెడ్డి, వసంత కృష్ణప్రసాద్, అయితాబత్తుల ఆనందరావు తదితరులకు అవకాశం దక్కింది.

[psycopk]

Krishna Prasad: తెలంగాణ బీజేపీ నేతకు ఏపీలో టికెట్ ఇచ్చిన చంద్రబాబు! 

22-03-2024 Fri 13:26 | Both States

• టీఎస్ బీజేపీ అధికార ప్రతినిధిగా ఉన్న మాజీ డీజీపీ కృష్ణప్రసాద్
• వరంగల్ బీజేపీ ఎంపీ టికెట్ ఆశిస్తున్న కృష్ణప్రసాద్
• బాపట్ల ఎంపీ టికెట్ ఇచ్చిన చంద్రబాబు

 

ఎన్నికలకు సమయం దగ్గర పడుతున్న తరుణంలో తెలుగు రాష్ట్రాలకు సంబంధించి ఓ ఆసక్తికర పరిణామం చోటుచేసుకుంది. ఈరోజు టీడీపీ అభ్యర్థుల మూడో జాబితాను ఆ పార్టీ అధినేత చంద్రబాబు విడుదల చేసిన సంగతి తెలిసిందే. ఈ జాబితాలో 13 మంది ఎంపీ అభ్యర్థులు, 11 మంది ఎమ్మెల్యే అభ్యర్థులను ప్రకటించారు. ఆసక్తికర విషయం ఏమిటంటే తెలంగాణ బీజేపీ అధికార ప్రతినిధికి చంద్రబాబు ఏపీలో ఎంపీ టికెట్ ఇచ్చారు. బాపట్ల ఎంపీ అభ్యర్థిగా మాజీ డీజీపీ కృష్ణప్రసాద్ ను ప్రకటించారు. 

ఇటీవల జరిగిన తెలంగాణ అసెంబ్లీ ఎన్నికల్లో హైదరాబాద్ కంటోన్మెంట్ నియోజకవర్గం నుంచి బీజేపీ టికెట్ ను కృష్ణప్రసాద్ ఆశించారు. అయితే, ఆయనకు టికెట్ దక్కలేదు. తాజాగా లోక్ సభ ఎన్నికలకు సంబంధించి వరంగల్ బీజేపీ ఎంపీ టికెట్ ను ఆయన ఆశించారు. చివరకు ఏపీలో బాపట్ల లోక్ సభ స్థానం నుంచి కృష్ణప్రసాద్ టీడీపీ అభ్యర్థిగా బరిలోకి దిగబోతున్నారు.