లోకేశ్ విపక్షంలో ఉంటూనే ఇన్ని చేశారు... గెలిస్తే ఇంకెన్ని చేస్తారో!: నారా బ్రాహ్మణి

[psycopk]

Nara Brahmani: లోకేశ్ విపక్షంలో ఉంటూనే ఇన్ని చేశారు... గెలిస్తే ఇంకెన్ని చేస్తారో!: నారా బ్రాహ్మణి 

29-04-2024 Mon 22:55 | Andhra

• మంగళగిరిలో నారా బ్రాహ్మణి విస్తృత పర్యటన
• లోకేశ్ తరఫున ఉత్సాహంగా ఎన్నికల ప్రచారం
• తాడేపల్లి రూరల్ చైతన్య తపోవన కల్యాణ మండపంలో మహిళలతో భేటీ

 

టీడీపీ జాతీయ ప్రధాన కార్యదర్శి నారా లోకేశ్ అర్ధాంగి నారా బ్రాహ్మణి మంగళగిరి నియోజకవర్గంలో ఉత్సాహంగా పర్యటిస్తున్నారు. తన భర్త నారా లోకేశ్ తరఫున ఆమె జోరుగా ఎన్నికల ప్రచారం సాగిస్తున్నారు. విస్తృతంగా పర్యటిస్తూ, వివిధ వర్గాలతో భేటీ అవుతూ లోకేశ్ కు మద్దతు కూడగట్టేందుకు ముమ్మరంగా కృషి చేస్తున్నారు. తాజాగా, తాడేపల్లి రూరల్ నులకపేట చైతన్య తపోవన కల్యాణ మండపంలో స్త్రీ శక్తి లబ్ధిదారులు, మహిళా మిత్ర, డ్వాక్రా మహిళలతో బ్రాహ్మణి సమావేశమయ్యారు. 

ఈ సందర్భంగా ఆమె మాట్లాడుతూ... ఇంటికి దీపం ఇల్లాలు అంటారని, ఇంటిని చక్కదిద్దడం, సమర్థవంతంగా నడిపించడంతో పాటు ఏ రంగంలోనైనా రాణించగల సత్తా మహిళలకు ఉందని అన్నారు. 

"తెలుగుదేశం పార్టీ ఆవిర్భావంతోనే ఎన్టీఆర్ మహిళా సాధికారతకు బాటలు వేశారు. ఎన్టీఆర్ అధికారంలోకి రాగానే రాజకీయాల్లో మహిళలకు 9 శాతం రిజర్వేషన్లు కల్పించారు. ఎన్టీఆర్ ఆశయాలకు అనుగుణంగా నారా చంద్రబాబు నాయుడు మహిళల ఆర్థిక స్వావలంబనకు కృషి వేశారు. స్థానిక సంస్థల ఎన్నికలు, ఉద్యోగాలు, కళాశాలల్లో యువతులకు 33 శాతం రిజర్వేషన్లు అమలు చేశారు. మహిళల పేరిట ఇళ్ల స్థలాలు, పట్టాలు, రుణాలిచ్చారు. మహిళలు ఆర్ధిక స్వాతంత్ర్యం సాధించేలా డ్వాక్రా సంఘాలను నెలకొల్పి వారి జీవితాల్లో వెలుగులు నింపారు. దీపం పథకంతో 65 లక్షల గ్యాస్ కలెక్షన్లు ఇచ్చారు. 

ప్రతిపక్షంలో ఉన్నప్పటికీ మంగళగిరి నియోజకవర్గానికి అనేక సంక్షేమ, సేవా కార్యక్రమాలు చేస్తున్న లోకేశ్ గారు... ఎమ్మెల్యే అయితే ఇంకెన్ని చేస్తారో ప్రజలు ఆలోచించాలి. లోకేశ్ గారి మనసుకు దగ్గరైన పథకం స్త్రీ శక్తి. ఈ పథకాన్ని ఒక్క మంగళగిరిలోనే కాకుండా ఇతర నియోజకవర్గాల్లోనూ అమలు చేయాలని లోకేశ్ భావిస్తున్నారు. మంగళగిరిలో స్త్రీ శక్తి, పెళ్లికానుకలు, ఎన్టీఆర్ సంజీవని వంటి 29 పథకాలను అమలు చేస్తున్నారు.

మా పెళ్లయిన తర్వాత ఉన్నత విద్య అభ్యసించేందుకు లోకేశ్ అందించిన ప్రోత్సాహం మరువలేనిది. నేను చదువు నిమిత్తం రెండుసార్లు అమెరికా వెళ్లానంటే అందుకు లోకేశ్ ప్రోత్సాహమే కారణం. నన్ను ప్రోత్సహించినట్టే మంగళగిరి నియోజకవర్గంలోని ప్రతి మహిళ వారి సొంత కాళ్లపై నిలబడాలని ఆయన కోరుకుంటున్నారు. 

స్త్రీ శక్తి పథకం ద్వారా 2,600 మంది టైలరింగ్ నేర్చుకుని ఉపాధి పొందినందుకు చాలా సంతోషంగా ఉంది. టీడీపీ, బీజేపీ, జనసేన కూటమి అధికారంలోకి వచ్చాక మహిళల ఆర్థిక స్వావలంబనకు మరిన్ని పథకాలు రూపొందించి అమలు చేస్తాం.

అధికారంలోకి వచ్చాక మంగళగిరి నియోజకవర్గాన్ని దేశానికే ఆదర్శంగా మార్చేందుకు లోకేశ్ ప్రణాళికలు సిద్ధం చేసుకున్నారు. మహిళలను ఆర్థికంగా పైకి తీసుకొచ్చేందుకు అన్ని విధాలా సహాయ, సహకారాలు అందిస్తాం" అని నారా బ్రాహ్మణి భరోసా ఇచ్చారు.

కూరగాయల మార్కెట్ పడగొట్టి మా బతుకులు రోడ్డుకీడ్చారన్న అభాగ్యులకు బ్రాహ్మణి భరోసా

వైసీపీ ప్రభుత్వం అధికారంలోకి వచ్చాక దశాబ్ధాల చరిత్ర కలిగిన మంగళగిరి కూరగాయల మార్కెట్ ను పడగొట్టి తమ బతుకులను రోడ్డుకీడ్చారని కూరగాయల మార్కెట్ వ్యాపారులు ఆవేదన వ్యక్తం చేశారు. మంగళగిరి కాళీమాత ఆలయం దగ్గర ఉన్న కూరగాయల మార్కెట్ ను బ్రాహ్మణి సోమవారం రాత్రి సందర్శించారు. వ్యాపారులతో మాట్లాడి వారి ఇబ్బందులను తెలుసుకున్నారు. 

మార్కెట్ పడగొట్టడం వల్ల తమకు షెల్టర్ లేకుండాపోయిందని వ్యాపారులు వాపోయారు. దళారుల బెడద కూడా ఎక్కువగా ఉందని, కూరగాయలకు గిట్టుబాటు ధర రావడంలేదని ఆవేదన వ్యక్తం చేశారు. ప్రజాప్రభుత్వం అధికారంలోకి వచ్చిన వెంటనే మంగళగిరిలో కూరగాయల వ్యాపారుల కోసం మార్కెట్ నిర్మిస్తారని, ఎవరూ ఆందోళన చెందవద్దని బ్రాహ్మణి హామీ ఇచ్చారు. 

వ్యాపారుల కష్టాలపై లోకేశ్ కు అవగాహన ఉందని, లోకేశ్ ను ఆదరించి అసెంబ్లీకి పంపితే  చిరు వ్యాపారులకు ప్రభుత్వం నుంచి లోన్లు వచ్చేలా చర్యలు తీసుకుంటారని చెప్పారు. అంతకుముందు కూరగాయల మార్కెట్ పక్కనే ఉన్న కాళీమాత ఆలయంలో బ్రాహ్మణి ప్రత్యేక పూజలు చేశారు.

[psycopk]

Nara Brahmani: 2019లో మంగళగిరిలో లోకేశ్ ఓడిపోయాక సేఫ్ సీటు చూసుకోమని సూచించారు: నారా బ్రాహ్మణి 

29-04-2024 Mon 18:48 | Andhra

• మంగళగిరి ప్రజలను తన కుటుంబ సభ్యులుగా లోకేశ్ భావిస్తున్నారన్న భార్య
• అందుకే మళ్లీ మంగళగిరిలో పోటీ చేస్తున్నారని వెల్లడి
• ప్రభుత్వ సహకారం లేకపోయినా ఐదేళ్లుగా అనేక సంక్షేమ కార్యక్రమాలను కొనసాగిస్తున్నారని వ్యాఖ్య

 

ఏపీ అసెంబ్లీ ఎన్నికలు-2019లో మంగళగిరి స్థానంలో నారా లోకేశ్ ఓటమిని చవిచూడడంతో చాలా మంది ఏదైనా సేఫ్ సీటు చూసుకోవచ్చు కదా.. కుప్పం లాంటి సీటు చూసుకోవచ్చు కదా? అని సలహా ఇచ్చారని లోకేశ్ భార్య నారా బ్రాహ్మణి తెలిపారు. అయితే మంగళగిరి ప్రజలందరూ తన కుటుంబ సభ్యులేనని లోకేశ్ అన్నారని, దేశంలోనే ఈ నియోజకవర్గాన్ని ఒక మోడల్‌గా, నంబర్ వన్ నియోజకవర్గంగా తీర్చిదిద్దాలనుకుంటున్నారని, అందుకే ఇక్కడ పోటీ చేస్తున్నారని బ్రాహ్మణి చెప్పారు. అందుకే గత ఐదేళ్లుగా మంగళగిరిలో లోకేశ్ కష్టపడుతున్నారని, అంకితభావంతో సేవా కార్యక్రమాలు చేపడుతున్నారని ఆమె ప్రస్తావించారు. ప్రభుత్వం నుంచి ఎలాంటి మద్దతు లేకపోయినా 29 సంక్షేమ పథకాలను ఆయన ఇక్కడ కొనసాగిస్తున్నారని ఆమె పేర్కొన్నారు. ఎన్నికల ప్రచారంలో భాగంగా మంగళగిరిలో నారా బ్రాహ్మణి మాట్లాడారు. అలాగే స్థానిక మహిళలతో ఆమె ముచ్చటించారు.

బసవతారకం ఇండో అమెరికన్ క్యాన్సర్ హాస్పిటల్ ద్వారా సేవా కార్యక్రమాలు చేయగలుగుతున్నానంటే అది కేవలం నారా లోకేశ్ మద్దతే కారణమని బ్రాహ్మణి అన్నారు. తనకు అందించిన మద్దతునే మంగళగిరి నియోజకవర్గంలోని మహిళలందరికీ అందించాలని లోకేశ్ భావిస్తున్నారని, ఇదే ఆయన విజన్ అని ఆమె అన్నారు. గతంలో హెరిటేజ్ కంపెనీలో తనతో పాటు నారా లోకేశ్ కూడా బాధ్యతలు చూశారని, మహిళలు రాత్రీపగలు కష్టపడి గ్రామాల్లో పాలు ఉత్పత్తి చేసి హెరిటేజ్ కంపెనీకి అందిస్తే వారికి మంచి ఆదాయం దక్కేలా చూసేవారమని తెలిపారు. ఆదాయంతో పాటు వారి గ్రామాల్లో, సమాజంలో, వారి కమ్యూనిటీల్లో వారి విలువ చాలా పెరిగిందని, అది చూసి తమకు చాలా సంతృప్తిగా అనిపించేదని చెప్పారు. ముందు ముందు మహిళలకు ఏం చేసినా వారిమీద సానుకూల ప్రభావం ఉండేలే, ఆదాయం వచ్చేలా ఉండాలని అప్పుడే నిర్ణయించుకున్నామని ఆమె వెల్లడించారు.

నాడు తాము పొందిన సంతృప్తి కంటే స్త్రీ శక్తి పథకం ద్వారా మరింత ఎక్కువ సంతృప్తిని కలుగుతుందని నారా బ్రాహ్మణి ఆశాభావం వ్యక్తం చేశారు. ఈ పథకాన్ని రూపొందించినందుకు చాలా ఆనందంగా ఉందన్నారు. మంగళగిరిలోని మహిళలు అందరూ తమ కాళ్లపై తాము నిలబడాలనేది నారా లోకేశ్ విజన్ అని అన్నారు.

[ntr2ntr]

Majority entha vastundo choodali Lokesh ki. 

[Android_Halwa]

24 minutes ago, ntr2ntr said:

Majority entha vastundo choodali Lokesh ki. 

Minimum ga 30k, wave aithe 50k, landslide aithe jaggadi record break antunnaru.

[psycopk]

10 minutes ago, Android_Halwa said:

Minimum ga 30k, wave aithe 50k, landslide aithe jaggadi record break antunnaru.

https://www.instagram.com/reel/C6TcEUWJfN8/?igsh=MWl4MXBqY3h6MnE2eg==

[Netflixmovieguz]

😂

[Raisins_72]

Ayithe inkosaari Vipaksham lo kurchopedithey inkenni wonders chesthaado 😉😉

[Bendapudi_english]

1 hour ago, Netflixmovieguz said:

Bramini taj kkendukhuu yellinddi

Enni gantalaki vellindhi anna 3 ka

[Bendapudi_english]

2 hours ago, ntr2ntr said:

Majority entha vastundo choodali Lokesh ki. 

Greater than 30k expecting anna easy ga 

[jaathiratnalu2]

56 minutes ago, Raisins_72 said:

Ayithe inkosaari Vipaksham lo kurchopedithey inkenni wonders chesthaado 😉😉

🤣🤣🤣

57 minutes ago, Raisins_72 said:

Ayithe inkosaari Vipaksham lo kurchopedithey inkenni wonders chesthaado 😉😉

https://images.app.goo.gl/uPd7Me66LvjMZLdL6

 

[pichhipullayya]

Annalu

one doubt

prabhutwam lo undi 2014 to 2019 em chesaadu mana Lion Lokesh ?

MLA kuda poti cheyyaledu gaa

[Raisins_72]

6 hours ago, pichhipullayya said:

Annalu

one doubt

prabhutwam lo undi 2014 to 2019 em chesaadu mana Lion Lokesh ?

MLA kuda poti cheyyaledu gaa

Davos ki velli minus 30• chali lo ….

[CanadianMalodu]

9 hours ago, Netflixmovieguz said:

Bramini taj kkendukhuu yellinddi

RaGa also stayed in the same hotel. Alliance was announced after.