Mom ni kooda mosam chesadu : YS Sharmila

[ntr2ntr]

జగన్మోహన్ రెడ్డి వ్యక్తిత్వంపై షర్మిల సంచలన విషయాలు బయట పెట్టారు. షర్మిల రాజకీయాన్ని కించ పరిచేందుకు ఆమెకు పదవీ కాంక్ష అని..డబ్బులు అడిగితే ఇవ్వలేదని కాంగ్రెస్ పార్టీలో చేరారని జగన్ విమర్శలు చేస్తున్నారు. రోజు రోజుకు జగన్ .. షర్మిలపై చేస్తున్న విమర్శల దాడి పెరుగిపోతోంది. తాజాగా టీవీ9 ఇంటర్యూలో షర్మిల వ్యక్తిత్వాన్ని కించ పరిచేలా మరిన్ని వ్యాఖ్యలు చేశారు. దాంతో షర్మిల మీడియా ముందుకు వచ్చారు. భావోద్వేగంతో కన్నీరు పెట్టుకున్నారు.
 

 

ఎంపీని చేస్తానని అమ్మకిచ్చిన మాటనే జగన్ నిలబెట్టుకోలేదు. ఆయన విలువలు, విశ్వసనీయత గురించి మాట్లాడటం విడ్డూరంగా ఉందని సంచలన విషయం బయట పెట్టారు. జగన్ మోహన్ రెడ్డి మానసిక స్థితిపై తనకు ఎంతో కన్సర్న్ ఉందని ఎద్దేవా చేశారు. ఈ మాటలు మాట్లాడుతూ షర్మిల విలపించారు.
 

తన రాజకీయ కాంక్షే రాజశేఖర్ రెడ్డి కుటుంబంలో విభేదాలకు కారణమని జగన్ చెప్పారని.. ఆవేదన వ్యక్తం చేశారు. తనను రాజకీయాల్లోకి తీసుకొచ్చింది ఎవరని షర్మిల ప్రశ్నించారు. జగన్మోహన్ రెడ్డి అరెస్టు టైంలో , 19 ఎమ్మెల్యేలు రాజీనామా చేసినప్పుడు ఉపఎన్నికల్లో ప్రచారం చేయమని అడిగిందని ఎవరని షర్మిల ప్రశ్నించారు. పాదయాత్ర చేయమని అడిగింది మీరు కాదా అని ప్రశఅనించారు. ఎప్పుడు అవసరం ఉంటే ఆ అవసరానికి సమైఖ్యాంధ్ర, బైబై బాబు క్యాంపెయిన్, తెలంగాణలో పాదయాత్ర చేపించింది మీరు కాదా అని జగన్ మోహన్ రెడ్డిని ప్రశ్నించారు.
 

నిజంగా రాజకీయ కాంక్ష ఉంటే పాదయాత్ర చేసినప‌్పుడు జైల్లో ఉన్నారు. అప్పుడు వైసీపీని హస్తగతం చేసుకునే ఉంటే అడిగేది ఎవరని మండిపడ్డారు.

 

పొందాలనుకున్న పదవి మొండిగానైనా పొందగలనని షర్మిల స్పష్టం చేశారు. వివేకా లాంటి ఎంతో మంది తనను ఎంపీగా చేయాలని అనుకున్నారు. మీ పార్టీలోనే చాలా మంది ఉన్నారని గుర్తు చేశారు. మీతో ఉన్నంత కాలం సీఎంగా అయ్యే వరకు నాకు అలాంటి ఆలోచన లేదని స్పష్టం చేశారు. షర్మిలపై జగన్ విమర్శలు పెంచే కొద్దీ షర్మిల ఎమోషనల్ రాజకీయాల డోస్ పెంచుకుంటూ పోతున్నారు.