saateesh anna suffort isthunnadu..inka war one sided..thatha gelupu khayam

[BattalaSathi]

US Elections: ట్రంప్‌ ర్యాలీలో సతీశ్ వేమన.. ఉపాధ్యక్ష అభ్యర్థి వాన్ష్‌తో సెల్ఫీ

---

అమెరికా మాజీ అధ్యక్షుడు డొనాల్డ్‌ ట్రంప్‌ నిర్వహించిన ర్యాలీలో తానా మాజీ అధ్యక్షుడు సతీశ్‌ వేమన పాల్గొన్నారు. ఈ ర్యాలీకి దాదాపు 2లక్షల మంది హాజరైనట్లు ఆయన ఓ ప్రకటనలో తెలిపారు.

న్యూయార్క్‌: అమెరికాలో ఎన్నికల కోలాహలం కొనసాగుతోంది. డెమోక్రాట్లు, రిపబ్లికన్లు నువ్వా నేనా అన్నట్లు ప్రచారాన్ని హోరెత్తిస్తున్నారు. ఇందులో భాగంగా న్యూయార్క్‌ నగరంలోని చారిత్రక మాడిసన్‌ స్క్వేర్‌ గార్డెన్‌లో రిపబ్లికన్‌ పార్టీ అధ్యక్ష అభ్యర్థి, అమెరికా మాజీ అధ్యక్షుడు డొనాల్డ్‌ ట్రంప్‌ నిర్వహించిన ర్యాలీలో తానా మాజీ అధ్యక్షుడు సతీశ్‌ వేమనతో పాటు పలువురు తెలుగువారు సైతం చురుగ్గా పాల్గొన్నారు. తెలుగువారి మద్దతును కూడగట్టి ట్రంప్‌ విజయానికి వీరు కృషిచేస్తున్నారు. సోమవారం జరిగిన ర్యాలీకి దాదాపు 2లక్షల మంది హాజరైనట్లు సతీశ్ వేమన ఓ ప్రకటనలో తెలిపారు. మాడిసన్‌ స్క్వేర్‌ గార్డెన్‌ కొన్ని శతాబ్దాలుగా డెమోక్రాట్లు, రిపబ్లికన్‌ పార్టీల సమావేశాలకు వేదికగా నిలుస్తోందని పేర్కొన్నారు.

రిపబ్లికన్‌ పార్టీ ఉపాధ్యక్ష అభ్యర్థి జేడీ వాన్స్‌తో పాటు ఎలాన్‌ మస్క్‌, వివేక్‌ రామస్వామి, తులసీ గబ్బార్డ్‌ సహా అమెరికాలోని టాప్‌ -30 ప్రముఖులతో ఏర్పాటు చేసిన డిన్నర్‌కు హాజరుకావడం గౌరవంగా భావిస్తున్నట్లు సతీశ్‌ తెలిపారు. తమ అత్తగారి స్వస్థలమైన కృష్ణా జిల్లాతో సంబంధం ఉండటంతో.. ఆ విషయాలను గుర్తుచేసుకొని వాన్స్‌తో సరదాగా మాట్లాడినట్లు ఆయన పేర్కొన్నారు. ఈ సందర్భంగా ఆయనతో దిగిన సెల్ఫీని సతీశ్‌ వేమన షేర్‌ చేసుకున్నారు. రాబోయే రోజుల్లో రిపబ్లికన్ పార్టీ తరఫున తెలుగు రాష్ట్రాలతో సత్సంబంధాలు నెలకొల్పి మరింతగా మేలు జరిగేలా కృషి చేయాలని జేడీ వాన్స్‌ను కోరారు. ట్రంప్, జేడీ వాన్స్‌తో కలిసి రాబోయే రోజుల్లో మరింత ముందుకు సాగుతూ రిపబ్లికన్ పార్టీ విజయానికి అన్ని విధాలుగా కృషి చేస్తామని, అమెరికా-భారత్‌ సత్సంబంధాలకు తమ వంతు సహాయ సహకారాలు అందిస్తామని సతీష్ వేమన ఈ సందర్భంగా తెలిపారు.