బీర్ల ధరలను 33 శాతం పెంచాలని యూబీ కోరుతోంది... అలా పెంచితే వారికి భారం: మంత్రి జూపల్లి కృష్ణారావు

[psycopk]

Jupally Krishna Rao: బీర్ల ధరలను 33 శాతం పెంచాలని యూబీ కోరుతోంది... అలా పెంచితే వారికి భారం: మంత్రి జూపల్లి కృష్ణారావు 

08-01-2025 Wed 21:28 | Telangana

 

 

• మద్యం ధరలు పెంచితే భారం పడుతుందన్న మంత్రి
• పెంపుపై రిటైర్డ్ జడ్జితో కమిటీ ఏర్పాటు చేశామని వెల్లడి
• నివేదిక వచ్చాక నిర్ణయం తీసుకుంటామన్న మంత్రి
• బీర్ల ధరలు రాష్ట్రంలోనే తక్కువగా ఉన్నాయి... అలాగే ఉండేలా చూస్తామన్న మంత్రి

బీర్ల ధరలను 33.1 శాతం పెంచాలని యునైటెడ్ బ్రూవరీస్ (యూబీ) కోరుతోందని, ధరలు అంతలా పెంచితే మద్యం కొనుగోలు చేసే వారిపై పెద్ద మొత్తంలో భారం పడుతుందని తెలంగాణ మంత్రి జూపల్లి కృష్ణారావు అన్నారు. మద్యం ధరల పెంపుపై రిటైర్డ్ జడ్జితో కమిటీని ఏర్పాటు చేసి నివేదిక కోరినట్లు చెప్పారు. ఆ నివేదిక వచ్చాక ధరల పెంపుపై నిర్ణయం తీసుకుంటామని తెలిపారు.

గత బీఆర్ఎస్ ప్రభుత్వం రూ.8 లక్షల కోట్ల వరకు అప్పులు చేసి వెళ్లిందని, వాటికి నెలకు రూ.6 వేల కోట్లు వడ్డీని చెల్లిస్తున్నట్లు చెప్పారు. మరో రూ.40 వేల కోట్ల వరకు బిల్లులు పెండింగ్‌లో ఉన్నాయని, ఇందులో ఎక్సైజ్ డిపార్ట్‌మెంట్‌కు సంబంధించినవి రూ.2,500 కోట్లు ఉన్నాయన్నారు. తమ ప్రభుత్వం వచ్చాక వీటిలో రూ.1,139 కోట్ల బకాయిలు చెల్లించామన్నారు. 

యూబీ బీర్లకు సంబంధించి రాష్ట్రంలో 14 లక్షల కేసుల స్టాక్ ఉందన్నారు. ఇతర రాష్ట్రాలతో పోల్చి చూస్తే మన రాష్ట్రంలో బీర్ల ధరలు తక్కువగా ఉన్నాయని, మన వద్ద ఎప్పుడూ ధరలు తక్కువే ఉండేలా చూస్తామన్నారు. కర్ణాటకలో బీరు రూ.190, ఆంధ్రప్రదేశ్‌లో రూ.180 ఉండగా, తమిళనాడు, తెలంగాణలలోనే రూ.150గా ఉందన్నారు. ధరలు పెంచాలన్న యూబీ ఒత్తిడికి తలొగ్గేది లేదన్నారు.

[psycopk]

Meanwhile chillar harish

Harish Rao: తెలంగాణలో 'కింగ్ ఫిషర్' బీర్ల కంపెనీ ప్రకటనపై స్పందించిన హరీశ్ రావు 

08-01-2025 Wed 20:55 | Telangana

 

 

• రాష్ట్రానికి బీర్ల సరఫరా నిలిపివేస్తున్నట్లు ప్రకటించిన యూబీ
• యూబీ నిర్ణయ అనేక ప్రశ్నలకు తావిస్తోందన్న హరీశ్ రావు
• బూమ్ బూమ్, బిర్యానీ వంటి స్థానిక బీర్లను ప్రోత్సహించేందుకేనా అని ప్రశ్న

తెలంగాణలో తన బీర్ల అమ్మకాలను నిలిపివేయాలని యునైటెడ్ బ్రూవరీస్ తీసుకున్న నిర్ణయంపై మాజీ మంత్రి, బీఆర్ఎస్ సీనియర్ ఎమ్మెల్యే హరీశ్ రావు స్పందించారు. రాష్ట్రానికి కింగ్ ఫిష‌ర్, హీనెకెన్ బీర్ల స‌ర‌ఫ‌రా నిలిపివేస్తున్న‌ట్లు యునైటెడ్ బ్రూవ‌రీస్ తీసుకున్న నిర్ణ‌యం అనేక ప్ర‌శ్న‌ల‌కు తావిస్తోందన్నారు. ఈ మేరకు ఆయన ఎక్స్ వేదికగా ట్వీట్ చేశారు.

బీర్లకు సంబంధించిన బకాయిలను బేవరేజెస్ కార్పోరేషన్ చెల్లించలేదని యునైటెడ్ బ్రూవరీస్ పేర్కొందని, దీంతో రాష్ట్రంలో కింగ్ ఫిషర్ వంటి ప్రీమియం బ్రాండ్ల లభ్యతకు అంతరాయం కలగవచ్చని పేర్కొన్నారు.

తద్వారా బూమ్ బూమ్, బిర్యానీ వంటి స్థానిక బ్రాండ్ల బీర్లను ప్రోత్సహించేందుకు ఇది ఉద్దేశపూర్వకంగా చేస్తున్న ప్రయత్నం కావొచ్చని అనుమానం వ్యక్తం చేశారు. బిల్లుల చెల్లింపులో ప్రత్యేక ప్రాధాన్యతల కారణంగా ఈ పరిస్థితి తలెత్తిందా? అని ప్రశ్నించారు. బీఆర్ఎస్ ప్రభుత్వం సీనియారిటీ ఆధారంగా బిల్లులను క్లియర్ చేసేదన్నారు.