GPSK NBK stills leaked

September 4, 2016

హైదరాబాద్‌: నందమూరి బాలకృష్ణ హీరోగా క్రిష్‌ దర్శకత్వంలో తెరకెక్కుతున్న ‘గౌతమిపుత్ర శాతకర్ణి’ చిత్రం తాజా షూటింగ్‌ షెడ్యూల్‌లో తీసిన కొన్ని ఫొటోలు ఆన్‌లైన్లో కనబడుతున్నాయి. ఇందులో బాలకృష్ణ, ఆయన తల్లి పాత్ర పోషిస్తున్న హేమమాలిని, భార్యగా నటిస్తున్న శ్రియ రాజసం ఉట్టిపడుతూ హుందాగా కనిపించారు. శ్రియ ఓ చిన్నారిని ఎత్తుకుని ఉన్నారు. ప్రస్తుతం ఈ చిత్రం షూటింగ్‌ మధ్యప్రదేశ్‌లో జరుగుతోంది. రెండవ శతాబ్దానికి చెందిన రాజు గౌతమిపుత్ర శాతకర్ణి జీవితం ఆధారంగా ఈ చిత్రాన్ని తెరకెక్కిస్తున్నారు. ఫస్ట్‌ ఫ్రేమ్‌ ఎంటర్‌టైన్‌మెంట్‌ పతాకంపై వై.రాజీవ్‌రెడ్డి, జాగర్లమూడి సాయిబాబు ఈ చిత్రానికి నిర్మాతలుగా వ్యవహరిస్తున్నారు. వచ్చే ఏడాది జనవరిలో ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నట్లు సమాచారం.