అమరావతి సిద్ధమైతే చెన్నై దిగదుడుపే!

[shango]

హోం జాతీయం 
అమరావతి సిద్ధమైతే చెన్నై దిగదుడుపే!
12-05-2017 02:47:56

ప్రఖ్యాత పరిశ్రమలు, విద్యాసంస్థలు అక్కడకు తరలుతున్నాయి
ప్రజలకేం కావాలో బాబుకు తెలుసు
పారిశ్రామికవేత్తలతో ఆయన రేయింబవళ్లూ మాట్లాడుతున్నారు
వారికి రాచబాట వేస్తున్నారు
కేంద్ర మంత్రి పొన్ రాధాకృష్ణన్
చెన్నై, మే 11 (ఆంధ్రజ్యోతి): ఆంధ్రప్రదేశ్ ముఖ్యమంత్రి చంద్రబాబు విజన పూర్తయి.. ఆ రాష్ట్ర రాజధాని అమరావతి సిద్ధమైతే.. దాని ముందు చెన్నై నగరం దిగదుడుపేనని తమిళనాడు బీజేపీ సీనియర్‌ నేత, కేంద్ర మంత్రి పొన్ రాధాకృష్ణన్ వ్యాఖ్యానించారు. గురువారం ఆయన నాగర్‌కోయిల్‌లో విలేకరులతో మాట్లాడారు. ‘అమరావతి పేరుతో ఆంధ్రప్రదేశ్‌లో కనీవినీ ఎరుగని రీతిలో అత్యాధునిక సాంకేతికతతో నవీన నగరం ఏర్పడుతోంది. ప్రపంచ నగరాలకే అది ఆదర్శంగా ఉండబోతోంది. ప్రపంచ ప్రఖ్యాతి గాంచిన పరిశ్రమలు, విద్యాసంస్థలు అమరావతికి తరలిపోతున్నాయి. కానీ చెన్నై మాత్రం అభివృద్ధిలో వెనుకబడిపోతోంది.

అమరావతికి మన పరిశ్రమలు తరలిపోతున్నాయంటూ గావుకేకలు పెట్టేవారంతా అసలు లోపాలను గ్రహించలేకపోతున్నారు. ఎక్కడ మంచి మౌలిక సదుపాయాలు, అవకాశాలు ఉంటాయో అక్కడికే పరిశ్రమలు తరలిపోతాయి. చంద్రబాబు రేయింబవళ్లు పారిశ్రామికవేత్తలతో మాట్లాడి పరిశ్రమలను రప్పించుకుంటున్నారు. ప్రజలకేం కావాలో, పరిశ్రమలకేం కావాలో తెలుసుకుని ఆయన పారిశ్రామికవేత్తలకు రాచబాట వేస్తున్నారు. అందుకే భారీగా పరిశ్రమలు అటువైపు వెళ్తున్నాయి. కానీ తమిళనాడు సీఎంను పారిశ్రామికవేత్తలు కలవాలంటే నెలల కొద్దీ ఎదురు చూడాల్సి వస్తోంది’ అని ఆక్షేపించారు. చెన్నైతో పాటు తమిళనాడు కూడా అభివృద్ధిలో వెనుకబడిపోతోందన్నారు.

30 ఏళ్ల క్రితం హైదరాబాద్‌, బెంగళూరు విమానాశ్రయాలు ఎలా ఉన్నాయో, ఇప్పుడెలా ఉన్నాయో గ్రహించాలన్నారు. చెన్నై విమానాశ్రయం ఎక్కడ వేసిన గొంగడి అక్కడే అన్న చందాన ఉందని చెప్పారు. రాజకీయ పార్టీలు స్వార్థంతో స్వీయ లబ్ధి కోసం రాషా్ట్రభివృద్ధిని పణంగా పెడుతున్నాయని విమర్శించారు. కరుణానిధి జన్మదిన వేడుకల పేరుతో రాజకీయ లబ్ధి కోసం డీఎంకే ప్రయత్నిస్తోందని, ఆ వేడుకలకు తమ పార్టీ వెళ్లబోదని స్పష్టం చేశారు. రాష్ట్రపతి ఎన్నికల కోసం అన్నాడీఎంకేను దరి చేర్చుకునేందుకు బీజేపీ ప్రయత్నిస్తోందన్న ఆరోపణలపై స్పందిస్తూ.. అన్నాడీఎంకేలో మరో వర్గానికి కాంగ్రెస్‌ కూడా గాలమేస్తోందని విమర్శించారు. 

[fake_Bezawada]

maa chennai ni evadu beat cheyaledu idantaa trash 

[nallaberrry]

9 minutes ago, fake_Bezawada said:

maa chennai ni evadu beat cheyaledu idantaa trash 

MG sennai is a sepal batch 

 

[shango]

14 minutes ago, fake_Bezawada said:

maa chennai ni evadu beat cheyaledu idantaa trash 

jaffa spotted...