ఎవరు చెప్పారు మంత్రాలకు చింతకాయలూ రాలవని ? ఇండియన్స్ దెబ్బ తాత అబ్బా!

January 8, 2018

ఎవడో ఎక్కడో తిది నక్షత్రం చూసి క్షుద్ర పూజలు చేసి వుంటారు ..

ఇంటర్నెట్‌ డెస్క్‌: న్యూయార్క్‌లోని అత్యంత ఖరీదైన ఫిఫ్త్‌ అవెన్యూలోని ట్రంప్‌ టవర్‌లో అమెరికా కాలమానం ప్రకారం సోమవారం ఉదయం అగ్నిప్రమాదం సంభవించింది. 68 అంతస్తుల ఈ విలాసవంతమైన భవనంలో అగ్నికీలలు ఎగసిపడటంతో అగ్నిమాపక సిబ్బంది అప్రమత్తమయ్యారు. భవన ఉష్ణోగ్రతను నియంత్రించే హెచ్‌వీఏసీ వ్యవస్థలో మంటలు చెలరేగినట్లు సమాచారం. ఈ ఘటన స్థానిక కాలమానం ప్రకారం ఉదయం 8.16 గంటలకు జరిగి ఉండవచ్చని భావిస్తున్నారు. ఈ భవనంలోని పెంట్‌హౌస్‌ ట్రంప్‌దే కావటం గమనార్హం.

ట్రంప్‌ టవర్‌ పైభాగంలోని ఉష్ణోగ్రత నియంత్రణ వ్యవస్థలోని కూలింగ్‌ కంట్రోల్‌ యూనిట్‌లో విద్యుత్‌ స్పార్క్‌ కారణంగా ఈ ప్రమాదం సంభవించింది. ఈ విషయాన్ని ట్రంప్‌ ఆర్గనైజేషన్‌ వైస్‌ ప్రెసిడెంట్‌ , అధ్యక్షుడు ట్రంప్‌ కుమారుడు ఎరిక్‌ ట్రంప్‌ ఈ-మెయిల్‌ ద్వారా పత్రికలకు వెల్లడించారు. వెంటనే సంబంధిత సిబ్బంది స్పందించడంతో మంటలు అదుపులోకి వచ్చినట్లు వారు పేర్కొన్నారు