అనిల్‌ అంబానీని జైల్లో పెట్టండి కోర్టు ధిక్కార చర్యలు చేపట్టాలి సుప్రీం కోర్టును ఆశ్రయించిన ఎరిక్సన్‌ ఇండియా

[kevinUsa]

: తమ సంస్థకు రూ.550 కోట్ల బకాయిల్ని 2018 డిసెంబరు 15లోగా చెల్లించాల్సిందిగా సుప్రీం కోర్టు ఇచ్చిన తీర్పును ధిక్కరించినందుకు గాను రిలయన్స్‌ కమ్యూనికేషన్‌ ఛైర్మన్‌ అనిల్‌ అంబానీపై కోర్టు ధిక్కారం కింద చర్యలు తీసుకోవాలంటూ ఎరిక్సన్‌ ఇండియా రెండోసారి సుప్రీం కోర్టును ఆశ్రయించింది. అనిల్‌తో పాటు రిలయన్స్‌ టెలికాం ఛైర్మన్‌ సతీశ్‌ సేథ్‌, రిలయన్స్‌ ఇన్‌ఫ్రాటెల్‌ ఛైర్‌పర్సన్‌ ఛయ్య విరానీలను కూడా పౌర జైల్లో (సివిల్‌ ప్రిజన్‌) పెట్టాలని కోరింది. పౌర జైలు అంటే నిర్బంధంలో ఉన్న వారి భోజన, ఇతరత్రా ఖర్చులు పిటిషనరే భరించాల్సి వస్తుంది.. అంటే ఈ కేసులో ఖర్చుల్ని భరించడానికి ఎరిక్సన్‌ ఇండియా సిద్ధమైంది. అనిల్‌తో పాటు మిగతా ఇద్దరూ దేశం విడిచి పారిపోకుండా జాగ్రత్తలు తీసుకునేలా హోం మంత్రిత్వ శాఖకు సూచనలు చేయమని సుప్రీం కోర్టును కోరింది.

ఆర్‌కామ్‌కు చెందిన జాతీయస్థాయి టెలికాం నెట్‌వర్క్‌ను ఏడేళ్లపాటు నిర్వహించేందుకు ఎరిక్సన్‌ ఇండియా 2014లో ఆర్‌కామ్‌తో ఒప్పందం కుదుర్చుకుంది. ఈ రూపేణ రూ.1,500 కోట్లను ఎరిక్సన్‌కు చెల్లించాల్సి ఉంది. అయితే ఆర్‌కామ్‌ రుణ ఊబిలో చిక్కుకోవడంతో రూ.550 కోట్లు చెల్లించేలా నేషనల్‌ కంపెనీ లా అప్పిలేట్‌ ట్రైబ్యునల్‌ మధ్యంతర ఉత్తర్వులు ఇచ్చింది. అయితే ఆర్‌కామ్‌ ఆ చెల్లింపులు కూడా చేయలేదు. దీంతో పిటిషనర్‌ సుప్రీం కోర్టును ఆశ్రయించారు. గత మే 30న 120 రోజుల్లోగా (సెప్టెంబరు 30లోపు) రూ.550 కోట్లు చెల్లించాలని కోర్టు ఆదేశించింది. అయినా ఆర్‌కామ్‌ బకాయిలు చెల్లించలేదు. కోర్టు ధిక్కారానికి పాల్పడినందుకు గాను చర్యలు తీసుకోవాలని ఎరిక్సన్‌ ఇండియా సుప్రీం కోర్టును ఆశ్రయించింది. ఆర్‌కామ్‌కు మరో అవకాశం ఇస్తూ డిసెంబరు 15లోపు బకాయిలు చెల్లించాలంటూ కోర్టు ఆదేశాలు జారీ చేసింది. అయితే ఇప్పటివరకు ఆర్‌కామ్‌ బకాయిలు చెల్లించడంలో విఫలం కావడంతో రెండోసారి కూడా కోర్టు ధిక్కార చర్యలకు పాల్పడినందున తీవ్రమైన చర్యలు తీసుకోవాలని ఎరిక్సన్‌ ఇండియా సుప్రీం కోర్టును ఆశ్రయించింది.

[BeerBob123]

Modi oppukuntada?