నలుగురు ఎమ్మెల్సీలతో పాటు తెలంగాణ రాష్ట్ర ప్రభుత్వానికి హైకోర్టు నోటీసులు

[vatsayana]

https://www.ap7am.com/flash-news-645996-telugu.html

• టీఆర్ఎస్‌లో విలీనం చేయాలని లేఖ
• ఆమోదించిన స్వామిగౌడ్
• విలీనాన్ని సవాల్ చేస్తూ పిటీషన్ దాఖలు

గతంలో కాంగ్రెస్ పార్టీకి చెందిన నలుగురు ఎమ్మెల్సీలు అప్పటి శాసనమండలి చైర్మన్ స్వామిగౌడ్ కాంగ్రెస్ శాసనమండలి పక్షాన్ని టీఆర్ఎస్‌లో విలీనం చేయాలని లేఖ ఇవ్వగా ఆయన దాన్ని ఆమోదించారు. విలీనాన్ని సవాల్ చేస్తూ బాలాజీ, మల్లేశ్వరరావు అనే న్యాయవాదులు హైకోర్టులో పిటీషన్ దాఖలు చేశారు. మండలి జారీ చేసిన బులెటెన్‌ను చట్ట విరుద్ధమైనదిగా ప్రకటించాలని కోరారు. 

విలీన వ్యవహారంలో కాంగ్రెస్‌కు చెందిన నలుగురు ఎమ్మెల్సీలకు తెలంగాణ హైకోర్టు నోటీసులు జారీ చేసింది. ఎమ్మెల్సీలు ప్రభాకరరావు, ఆకుల లలిత, దామోదర్ రెడ్డి, సంతోష్‌కుమార్‌లతో పాటు శాసనమండలి చైర్మన్, కార్యదర్శి, రాష్ట్ర ప్రభుత్వానికి నోటీసులు జారీ చేసింది. న్యాయస్థానానికి వివరణ ఇవ్వాలని ప్రతివాదులను ఆదేశించింది. తదుపరి విచారణను నాలుగు వారాలకు వాయిదా వేసింది.