విజయసాయిరెడ్డిపై పరువు నష్టం దావా వేస్తా: ఏబీ వెంకటేశ్వరరావు

[vatsayana]

https://www.ap7am.com/flash-news-646477-telugu.html

• ‘ఈ-ప్రగతి’తో నాకు, మా కుటుంబానికి సంబంధం లేదు
• ప్రభుత్వ సంస్థలు, ఏజెన్సీలు, సబ్ కాంట్రాక్టులతో కూడా
• విజయసాయిరెడ్డి చేసిన ఆరోపణలు ఖండిస్తున్నా

ఈ-ప్రగతి సంస్థతో ఏపీ ఇంటెలిజెన్స్ ఐజీ ఏబీ వెంకటేశ్వరరావు కుటుంబసభ్యులకు సంబంధాలు ఉన్నాయని వైసీపీ ఎంపీ విజయసాయిరెడ్డి నిన్న ఆరోపించిన విషయం తెలిసిందే. ఈ ఆరోపణలపై ఏబీ వెంకటేశ్వరరావు స్పందించారు. ఈ ఆరోపణలను ఆయన ఖండించారు. ప్రభుత్వ సంస్థలు, ఏజెన్సీలు, సబ్ కాంట్రాక్టులతో తనకు, తన కుటుంబ సభ్యులకు ఎటువంటి సంబంధాలు లేవని స్పష్టం చేశారు. ఈ-ప్రగతి ప్రాజెక్టుతో తమకు ఎటువంటి సంబంధం లేదని, విజయసాయిరెడ్డి నిరాధార ఆరోపణలు చేశారని, ఆయనపై పరువు నష్టం దావా వేస్తానని హెచ్చరించారు. కాగా, నిన్న ఢిల్లీలో కేంద్ర ఎన్నికల సంఘాన్ని  విజయసాయిరెడ్డి, ఆయన బృందం కలిసింది. ఆ తర్వాత మీడియాతో మాట్లాడిన విజయసాయిరెడ్డి ఈ ఆరోపణలు చేశారు.