మరో ఐదేళ్లు అవకాశం వస్తే సైబరాబాద్ లాంటి నగరం నిర్మించేవాళ్లం

[snoww]

తప్పుచేయలేదు.. ముందుకెళ్దాం: చంద్రబాబు
03-06-2019 19:50:03

 

అమరావతి: కుప్పంలో మెజార్టీ తగ్గడానికి కారణాలు అన్వేషించాలని పార్టీ శ్రేణులను మాజీ ముఖ్యమంత్రి, టీడీపీ అధినేత చంద్రబాబు నాయుడు ఆదేశించారు. సోమవారం చంద్రబాబు నివాసానికి కుప్పం నియోజకవర్గం నేతలు వచ్చారు. ఈ సందర్భంగా వారితో చర్చించిన ఆయన.. హంద్రీనీవా కాలువ ద్వారా కుప్పం శివారు వరకూ నీళ్లు తెచ్చామన్నారు. మరో ఐదేళ్లు అవకాశం వస్తే సైబరాబాద్ లాంటి నగరం నిర్మించేవాళ్లం అని నేతలతో చంద్రబాబు చెప్పారు. అసెంబ్లీ సమావేశాల తర్వాత కుప్పంలో పర్యటిస్తానని అన్నారు. కుప్పంలో పార్టీని పూర్తిస్థాయిలో ప్రక్షాళన చేస్తామన్నారు. జరిగింది వదిలేసి భవిష్యత్తు వైపు నడవాలని నేతలకు దిశానిర్దేశం చేశారు. ‘‘పోరాటం మనకేమీ కొత్తకాదు.. మనకు పలాయనం తెలియదు’’ అని పేర్కొన్నారు. ‘‘మనం తప్పు చేయలేదు. ధైర్యంగా ముందుకెళ్దాం. అన్ని వర్గాల ప్రజల ఆదరణ, అభిమానం పొందుదాం’’ అని అన్నారు.