ప్రేమోన్మాది ఘాతుకానికి యువతి బలి

[Paidithalli]

పెనుబల్లి: ఖమ్మం జిల్లా పెనుబల్లి మండలంలో ప్రేమోన్మాది ఘాతుకానికి ఓ యువతి బలైంది. ప్రేమించిన యువకుడే దారుణంగా హత్య చేశాడు. ఆదివారం సాయంత్రం ఆమెను గుట్టపైకి తీసుకెళ్లిన యువకుడు.. చేతి రుమాలును ఆమె గొంతుకు బిగించి ప్రాణాలు తీశాడు. వివరాల్లోకి వెళ్తే.. పెనుబల్లి మండలం కుప్పినకుంట్లకు చెందిన కావిటి తేజస్విని(20) సత్తుపల్లి మండలం గంగారంలో సాయిస్ఫూర్తి ఇంజినీరింగ్‌ కళాశాలలో గతంలో పాలిటెక్నిక్‌ చదివింది. సత్తుపల్లికి చెందిన నితిన్‌ కూడా అదే కళాశాలలో చదివాడు. ఆ సమయంలో వీరిద్దరూ ప్రేమించుకున్నారు. పాలిటెక్నిక్‌లో కొన్ని సబ్జెక్టులు ఫెయిలై తేజస్విని ప్రస్తుతం ఇంట్లోనే ఉంటోంది. నితిన్‌ ఖమ్మంలో ఓ ప్రైవేటు ఇంజినీరింగ్‌ కాలేజీలో బీటెక్‌ చదువుతున్నాడు. ఆదివారం సాయంత్రం తేజస్వినిని ద్విచక్రవాహనంపై ఇంటినుంచి తీసుకువెళ్లాడు. తమ కుమార్తె కనిపించకపోవడంతో యువతి తల్లిదండ్రులు సోమవారం వీఎమ్‌బంజర్‌ పోలీసుస్టేషన్‌లో ఫిర్యదు చేశారు. రంగంలోకి దిగిన పోలీసులు తేజస్విని ఫోన్‌ కాల్‌డేటాలో నితిన్‌ నెంబరును గుర్తించారు. నితిన్‌ ఖమ్మం వసతి గృహంలో ఉన్నట్లు గుర్తించి మంగళవారం వేకువజామున అదుపులోకి తీసుకొని విచారించగా తాను చేతి రుమాలుతో హత్యచేసినట్లుగా పోలీసులకు చెప్పాడు. ఘటనాస్థలంలో గాలించగా మృతదేహం లభ్యమైంది. కల్లూరు ఏసీపీ వెంకటేశ్‌, సత్తుపల్లి సీఐ సురేష్‌ కేసును దర్యాప్తు చేస్తున్నారు.

[Paidithalli]

 

[MagaMaharaju]