అమెరికాలో అమాంతం పెరిగిన నిరుద్యోగం.. భృతి కోసం 1.66 కోట్ల మంది దరఖాస్తు

[All_is_well]

• రోడ్డున పడుతున్న లక్షలాదిమంది 
• నిరుద్యోగ భృతి కోసం క్యూ
• ఈ నెలలో మరో 2 కోట్ల ఉద్యోగాలకు ఎసరు

 

Advertisement

అమెరికాలో కరోనా వైరస్ విలయానికి లక్షలాది మంది నిరుద్యోగులుగా మారి రోడ్డున పడుతున్నారు. గత మూడు వారాల వ్యవధిలో ప్రతీ పదిమందిలో ఒకరు ఉద్యోగం కోల్పోతున్నారు. 1948 తర్వాత అమెరికాలో ఇదే అతి పెద్ద ఉద్యోగ సంక్షోభం. ఇక, ఉద్యోగాలు కోల్పోయి నిరుద్యోగులుగా మారుతున్నవారు నిరుద్యోగ భృతి కోసం ప్రభుత్వానికి దరఖాస్తు చేసుకుంటున్నారు. గత వారం ఏకంగా 66 లక్షలమంది దరఖాస్తు చేసుకున్నారు. మొత్తంగా గత మూడువారాల్లో ఇలా దరఖాస్తు చేసుకున్న వారి సంఖ్య 1.66 కోట్లకు చేరుకోవడం అక్కడి పరిస్థితి తీవ్రతకు అద్దం పడుతోంది.

కరోనా వైరస్ ప్రబలడంతో అమెరికాలో చాలా సంస్థలు మూతపడ్డాయి. ఈ నెలలో మరో 2 కోట్ల మంది అమెరికన్ల ఉద్యోగాలకు ఎసరు తప్పదని అంచనా. ఆదాయం లేక విలవిల్లాడుతున్న రెస్టారెంట్లు, హోటళ్లు, డిపార్ట్‌మెంట్ స్టోర్లు, చిన్నాచితక వ్యాపారులు ఉద్యోగులను భరించలేక ఇంటికి సాగనంపుతున్నాయి

[BeerBob123]

queue va

 

[All_is_well]

రోజురోజుకూ లక్షల్లో పెరుగుతున్న యూఎస్ నిరుద్యోగుల సంఖ్య... 1.70 కోట్ల మంది రోడ్లపైకి!

• ఏప్రిల్ 4తో ముగిసిన వారాంతంలో ఉద్యోగం కోల్పోయిన 66 లక్షల మంది
• పరిస్థితి బాగుపడితే శరవేగంగా రికవరీ
• 2.3 ట్రిలియన్ డాలర్లతో ఉద్దీపన
• వెల్లడించిన యూఎస్ ఫెడరల్ రిజర్వ్

 

Advertisement

అమెరికాలో కరోనా మహమ్మారి కారణంగా నిరుద్యోగుల సంఖ్య రోజురోజుకూ పెరుగుతోంది. గురువారం విడుదల చేసిన అధికారిక గణాంకాల ప్రకారం, తాము ఉపాధిని కోల్పోయామని క్లయిమ్ చేసిన వారి సంఖ్య 1.70 కోట్లను దాటింది. మార్చి 29 నుంచి ఏప్రిల్ 4తో ముగిసిన వారాంతానికి మొత్తం 66 లక్షల మంది తమ ఉద్యోగాలనుకోల్పోయారని, యూఎస్ కార్మిక విభాగం వెల్లడించింది.

ఇదిలావుండగా, దేశంలో నెలకొన్న ఆర్థిక సంక్షోభాన్ని ఎదుర్కొనేందుకు 2.3 ట్రిలియన్ డాలర్లతో ఉద్దీపనను ప్రకటించినట్టు ఫెడరల్ రజర్వ్ చైర్మన్ జెరోమీ పావెల్ వెల్లడించారు. ఒకసారి కరోనా భయం తగ్గితే, రికవరీ శరవేగంగా ఉంటుందని ఆయన అంచనా వేశారు.
ఇక యూఎస్ లో ప్రభుత్వం తరఫున నిరుద్యోగులకు అందే సాయం కోసం దరఖాస్తు చేసుకుంటున్న వారి సంఖ్య రోజురోజుకూ లక్షల్లో పెరుగుతోంది. మార్చి 21తో ముగిసిన వారాంతానికి 33 లక్షల మంది, ఆపై వారంలో 69 లక్షల మంది నుంచి దరఖాస్తులు వచ్చాయి. ప్రపంచంలోనే అతిపెద్ద ఎకానమీ అయిన యూఎస్ ను కరోనా వైరస్ తీవ్రంగా దెబ్బతీసింది. ఏప్రిల్ లో నిరుద్యోగ రేటు భారీగా పెరగడంతో, రికవరీకి నెలల సమయం పడుతుందని విశ్లేషకులు అంచనా వేస్తున్నారు.

ఒకసారి దేశంలో ఆరోగ్య పరిస్థితులు చక్కబడ్డాయని భావిస్తారో, ఆ మరుక్షణమే, అమెరికాలో అన్ని కంపెనీలు, ఫ్యాక్టరీలు తిరిగి ప్రారంభం అవుతాయని, ద్రవ్య లభ్యత సమస్య లేదని ట్రెజరీ విభాగం కార్యదర్శి స్టీవెన్ మున్ చిన్ వ్యాఖ్యానించారు. ఇదే సమయంలో కరోనా కారణంగా యూఎస్ లో పెరుగుతున్న నిరుద్యోగ రేటు 2008 నాటి ఆర్థిక సంక్షోభాన్ని మించి ఉండవచ్చని ఐఎంఎఫ్ చీఫ్ క్రిస్టాలినా జార్జివా హెచ్చరించారు. దీని ప్రభావం ప్రపంచ దేశాలన్నింటిపైనా ఉంటుందని ఆమె అభిప్రాయపడ్డారు.

అమెరికాలో సుమారు 3 కోట్ల మంది వరకూ ఉద్యోగాలు కోల్పోవచ్చని అంచనా వేస్తున్నట్టు ఆక్స్ ఫర్ట్ ఎకానమిస్టులు అంచనా వేశారు. మే నాటికి నిరుద్యోగ రేటు 16 శాతానికి చేరవచ్చని హెచ్చరించారు. కాగా, అమెరికా ప్రకటించిన 2.3 బిలియన్ డాలర్ల ఉద్దీపనలో 600 బిలియన్ డాలర్లను చిన్న, మధ్యతరహా కంపెనీలకే ఆఫర్ చేస్తామని, ఈ నిధులతో కంపెనీలు రికవరీ కావచ్చని ఫెడ్ ఓ ప్రకటనలో తెలిపింది. ఇక మునిసిపల్ లిక్విడిటీలో భాగంగా మరో 500 బిలియన్ డాలర్లను అందుబాటులో ఉంచుతామని, వీటితో వివిధ రాష్ట్రాల స్థానిక ప్రభుత్వాలు తమ అవసరాలను తీర్చుకోవచ్చని వెల్లడించింది. పరిస్థితులకు అనుగుణంగా ఎటువంటి కఠిన నిర్ణయాన్నైనా తీసుకునేందుకు వెనుకాడబోమని ఈ సందర్భంగా జెరోమీ పావెల్ వ్యాఖ్యానించారు

[BeerBob123]

@all izz well

[Amrita]

Social distancing ledu picture lo