ప్రియాప్రకాశ్‌ వారియర్‌కు ఏమైంది..?

May 18, 2020

షాక్‌లో అభిమానులు..! ప్రియాప్రకాశ్‌ వారియర్‌కు ఏమైంది..?

తిరువనంతపురం: కొంటెగా కన్నుగీటి కుర్రకారు హృదయాలను కొల్లగొట్టి.. ఓవర్‌నైట్‌లో స్టార్‌ అయిన మలయాళీ ముద్దుగుమ్మ ప్రియా ప్రకాశ్‌ వారియర్‌. ప్రస్తుతం ఆమె తీసుకున్న ఓ నిర్ణయం.. నెటిజన్లను షాక్‌కు గురి చేస్తోంది. ప్రియా ఎందుకు అలా చేశారా? అని నెటిజన్లు ఆలోచిస్తున్నారు. గత కొంతకాలంగా ప్రియా ప్రకాశ్ ప్రత్యేక వీడియోలను రూపొందించి ఇన్‌స్టాలో పోస్ట్ చేస్తున్నారు. దీంతో అభిమానుల కోరిక మేరకు ఇటీవలే ఆమె టిక్‌టాక్‌లోకీ ఎంట్రీ ఇచ్చారు. తాజాగా ఆమె ఇన్‌స్టాగ్రామ్‌ నుంచి వైదొలగారు. ఉన్నట్టుండి ఆమె తీసుకున్న నిర్ణయంతో అభిమానులు ఒక్కసారిగా షాకయ్యారు. ఇన్‌స్టా నుంచి ఆమె వైదొలగడానికి కారణమేమై ఉంటుందా అని చర్చించుకుంటున్నారు. అయితే ఆమె పోస్ట్‌ చేసిన పలు వీడియోలకు, ఫొటోలకు పలువురి నుంచి అభ్యంతరకరమైన స్పందనలు రావడంతోనే ఇన్‌స్టా నుంచి బ్రేక్‌ తీసుకుని ఉండొచ్చని అనుకుంటున్నారు. ప్రస్తుతానికి ఆమె ఫేస్‌బుక్‌, టిక్‌టాక్‌ వేదికగా అభిమానులతో చేరువగా ఉన్నారు.

UnnaturalNaiveCopperbutterfly-max-1mb.gi