18 ఏళ్ల క్రితం నాటి ఫిర్యాదు.. కడప టీడీపీ నేత అరెస్ట్..!

[DaatarBabu]

నాటకీయ పరిణామాల మధ్య.. టీడీపీ నేత హరిప్రసాద్‌ అరెస్టు

16 రోజుల రిమాండ్‌ 

ప్రొద్దుటూరు జైలుకు తరలింపు 

రాజంపేట(కడప):  శ్రీసాయి ఎడ్యుకేషన్‌ సొసైటీ భూవివాదానికి సంబంధించి కె.పి.వి.సుబ్బయ్య ఇచ్చిన ఫిర్యాదు మేరకు రాజంపేట పోలీసులు ఆదివారం సాయంత్రం టీడీపీ జిల్లా ప్రధాన కార్యదర్శి హరిప్రసాద్‌ను అరెస్టు చేశారు. కూచివారిపల్లెలో భూమిని అమ్మిన వ్యవహారంపై ఆయనతో పాటు మూర్తి, శంకర్‌నాయుడు, జోహార్‌చౌదరి అనే నలుగురు వ్యక్తులపై కె.పి.వి.సుబ్బయ్య అనే వ్యక్తి 2002లో పోలీసులకు ఫిర్యాదు చేశారు. నలుగురిని విచారణ నిమిత్తం హాజరు కావాల్సిందిగా కోరామని మిగిలిన ముగ్గురు హాజరయ్యారని, విచారణకు సహకరించని కారణంగా అరెస్టు చేశామని డీఎస్పీ నారాయణస్వామిరెడ్డి, పట్టణ సీఐ శుభకుమార్‌లు ‘ఆంధ్రజ్యోతి’కి తెలిపారు. 

అరెస్టుపై టీడీపీ అధిష్ఠానం ఆరా..

అరెస్టు విషయం తెలిసిన వెంటనే తెలుగుదేశం పార్టీ టీడీపీ రాష్ట్రం అధిష్ఠానం ఆరా తీసింది. దీనిపై టీడీపీ జాతీయ అధ్యక్షుడు నారా చంద్రబాబునాయుడు, ప్రధాన కార్యదర్శి లోకేష్ దృష్టికి స్థానిక నాయకులు తీసుకెళ్లారు. రాయలసీమ టీడీపీ రాజకీయ వ్యవహారాలను పరిశీలించే పరిశీలకులు సునీల్‌ ఈ విషయాలను జిల్లా నాయకుల ద్వారా తెలుసుకున్నారు. రాజంపేట టీడీపీ ఇన్‌చార్జి బత్యాల చెంగల్‌రాయులు అరెస్టును తీవ్రంగా నిరసించారు. రాజంపేట టీడీపీ పార్లమెంట్‌ అధ్యక్షుడు శ్రీనివాసరెడ్డి, కడప పార్లమెంట్‌ అధ్యక్షుడు మల్లెల లింగారెడ్డి, ఆర్టీసీ మాజీ చైర్మన్‌ ఎద్దల సుబ్బరాయుడు, టీడీపీ నాయకులు పుత్తా నరసింహారెడ్డి, రెడ్యం వెంకటసుబ్బారెడ్డి, కొమరా వెంకటనరసయ్య, వికాస్‌ హరిక్రిష్ణ తదితరులు అరెస్టును ఖండించారు. 

వైసీపీ ప్రభుత్వం కుప్పకూలక తప్పదు 

తాను చిన్నప్పటి నుంచి నేటి వరకు ఏ తప్పూ చేయలేదని జైలు ముఖం చూడని తనను కేవలం ప్రభుత్వం లోపాలను ఎత్తిచూపుతున్నందుకు కక్ష సాధింపు చర్యగా అరెస్టు చేస్తున్న వైసీపీ ప్రభుత్వం త్వరలో కుప్పకూలక తప్పదని హరిప్రసాద్‌ ఆరోపించారు. బ్యాంకుల రుణాల ఎగవేత కేసులో ఉన్న వ్యక్తి ఇచ్చిన ఫిర్యాదును వైసీపీ అధినాయకులు పావుగా వాడుకుని తనను అరెస్టు చేయించారన్నారు. ఈ విషయాన్ని న్యాయస్థానాల్లో తేల్చుకుంటామని, వైసీపీ కక్ష సాధింపులకు భయపడే ప్రసక్తే లేదన్నారు

[Daaarling]

😝