ఆ 29 గ్రామాలను అభివృద్ధి చేస్తాం: బొత్స

October 22, 2020

అమరావతి: రాజధానికి భూములిచ్చిన 29 గ్రామాలను అమరావతి ప్రాంత ప్రాధికార సంస్థ ద్వారా అభివృద్ధి చేస్తామని మంత్రి బొత్స సత్యనారాయణ చెప్పారు. ఉద్యమాల పేరుతో రైతులను తెదేపా అధినేత చంద్రబాబు వాడుకొంటున్నారని ఆయన ఆరోపించారు. తాడేపల్లిలోని వైకాపా కేంద్రకార్యాలయంలో నిర్వహించిన మీడియా సమావేశంలో బొత్స మాట్లాడారు. పరిపాలనా వికేంద్రీకరణ తమ విధానమని.. ఏ ఒక్క కులం, మతం కోసమో ప్రభుత్వం పనిచేయదని స్పష్టం చేశారు.

అమరావతి ప్రాంతం రాష్ట్రంలో భాగమని.. ఎన్నికల ప్రచారంలో హామీ ఇచ్చిన విధంగా తాడేపల్లి, మంగళగిరి ప్రాంతాలను అభివృద్ధి చేస్తామని ఇప్పటికే సీఎం జగన్‌ చెప్పారన్నారు. ఆయా ప్రాంతాలకు త్వరలోనే కార్పొరేషన్‌ ఏర్పాటు చేస్తామని బొత్స చెప్పారు. విజయవాడ, గుంటూరును తలదన్నే విధంగా ఆ ప్రాంతాన్ని అభివృద్ధి చేస్తామన్నారు. రైతుల భూములను అభివృద్ధి చేసి ఇస్తామనే మాటకు కట్టుబడి ఉన్నామని ఆయన పునరుద్ఘాటించారు. ఆయా ప్రాంతాలను అభివృద్ధి చేసేందుకు త్వరలోనే కార్యాచరణ రూపొందిస్తామని బొత్స స్పష్టం చేశారు.

images?q=tbn:ANd9GcTzI39-7b5rH2BUenWcPhB