Jump to content

వచ్చే ఏడాది నుంచి వైఎస్సార్‌ పెళ్లి కానుక


Somedude

Recommended Posts

వచ్చే ఏడాది నుంచి వైఎస్సార్‌ పెళ్లి కానుక

ఇమామ్‌, మౌజమ్‌లకు గౌరవ వేతనం పెంపు
ఇకపై పాస్టర్లకూ చెల్లింపులు
చంద్రబాబు జూమ్‌, ట్విటర్‌ ద్వారా మైనార్టీలపై ప్రేమ ఒలకబోస్తున్నారు
నంద్యాల ఘటనలో బాధ్యులను అరెస్ట్‌ చేస్తే తెదేపా నేతలే బెయిల్‌ ఇప్పించారు
ముఖ్యమంత్రి జగన్‌

11ap-main5a_15.jpg

ఈనాడు డిజిటల్‌, అమరావతి: వచ్చే ఏడాది నుంచి వైఎస్సార్‌ పెళ్లి కానుక ఇవ్వనున్నట్లు ముఖ్యమంత్రి జగన్‌ మోహన్‌రెడ్డి ప్రకటించారు. ఇమామ్‌లు, మౌజమ్‌లకు గౌరవ వేతనాల పెంపు, పాస్టర్లకు గౌరవ వేతనాల చెల్లింపును అమలు చేస్తామని చెప్పారు. ముస్లిం మైనార్టీల కోసం ప్రత్యేక విశ్వవిద్యాలయాన్ని ఏర్పాటు చేస్తామని ప్రకటించారు. మైనార్టీల అభివృద్ధిలో సువర్ణాధ్యాయాన్ని లిఖిస్తున్నామన్నారు. గత 17 నెలల్లో వారికి రూ.3,428 కోట్ల మేర లబ్ధి చేకూర్చామన్నారు. అందులో వివిధ సంక్షేమ పథకాల ద్వారా రూ.2,585 కోట్లను నేరుగా వారి ఖాతాల్లోకే బదిలీ చేశామని వెల్లడించారు. చంద్రబాబు ఐదేళ్లలో మైనార్టీలకు రూ.2,661 కోట్లు మాత్రమే ఇచ్చి ఇప్పుడు జూమ్‌లు, ట్విటర్‌ల ద్వారా వారిపై ప్రేమ ఒలకబోస్తున్నారని మండిపడ్డారు. ఆయన హయాంలో ఎన్నికల ముందు వరకు మైనార్టీలకు మంత్రి పదవే ఇవ్వలేదన్నారు. భారతరత్న మౌలానా అబుల్‌ కలాం ఆజాద్‌ జయంతి సందర్భంగా బుధవారం నిర్వహించిన మైనార్టీ దినోత్సవం (జాతీయ విద్యా దినోత్సవం) కార్యక్రమంలో సీఎం జగన్‌ తన క్యాంపు కార్యాలయం నుంచి పాల్గొన్నారు. ఆజాద్‌ చిత్రపటానికి నివాళి అర్పించి మాట్లాడారు.
వారి పలుకుబడి ముందు మా పలుకుబడి సరిపోవట్లేదు
‘నంద్యాలకు చెందిన అబ్దుల్‌ సలాం, ఆయన కుటుంబం ఆత్మహత్య ఘటనలో న్యాయబద్ధంగా చేయాల్సింది చేశాం. సీఐ, హెడ్‌ కానిస్టేబుల్‌పై కేసులు పెట్టి అరెస్ట్‌ చేశాం. కానీ తెదేపాకు చెందిన కాపు కార్పొరేషన్‌ మాజీ డైరెక్టర్‌ రామచంద్రరావు వారి తరఫున పిటిషన్‌ వేసి బెయిల్‌ ఇప్పించారు. అంటే వారే పిటిషన్‌ వేయించి తిరిగి వారే ప్రభుత్వాన్ని నిందిస్తున్నారు. వారి పలుకుబడి ముందు మా పలుకుబడి సరిపోవడం లేదు. అయినా ఆ బెయిల్‌ను రద్దు చేయాలని కోరుతూ సెషన్స్‌ కోర్టుకెళ్లాం’ అని సీఎం చెప్పారు. ‘నవరత్నాల్లో ఎస్సీ, ఎస్టీ, బీసీ, మైనార్టీలకు ప్రాధాన్యమిస్తున్నాం. హజ్‌ యాత్రకు వెళ్లే ముస్లింలకు, హోలీ ల్యాండ్‌కు వెళ్లే క్రైస్తవులకు ఆర్థిక సాయాన్ని రూ.30 వేల నుంచి రూ.60 వేలకు పెంచాం. మేం అధికారంలోకి వచ్చాకే ఇమామ్‌లకు రూ.5 వేలు, మౌజమ్‌లకు రూ.3 వేలు గౌరవ వేతనంగా ఇస్తున్నాం. వక్ఫ్‌బోర్డు, ముస్లిం మైనార్టీలు, క్రైస్తవులు, మిషనరీల ఆస్తులను రీసర్వే చేయించి కాపాడే చర్యలు తీసుకుంటున్నాం. మదర్సాల్లో చదివే 33 వేల మంది చిన్నారులకు మధ్యాహ్న భోజన పథకాన్ని, అమ్మఒడి, విద్యాకానుక పథకాలను వర్తింపజేస్తున్నాం. పాఠ్యప్రణాళికలో మార్పులతోపాటు ఆంగ్లమాధ్యమం అమలు వరకు ప్రతి విషయంలోనూ తల్లిదండ్రుల్లా బాధ్యతగా ఆలోచించి నిర్ణయాలు తీసుకుంటున్నాం. పిల్లలకు దుస్తుల నుంచి బ్యాగ్‌ల వరకు అన్ని సమకూరుస్తున్నాం’ అని సీఎం పేర్కొన్నారు. కార్యక్రమంలో ముస్లిం, క్రైస్తవ పెద్దలు పాల్గొన్నారు. రాష్ట్రంలో ఉర్దూను ద్వితీయ భాషగా చేయాలని పలువురు ముస్లింలు కోరగా అందుకు ప్రతిపాదనలు పంపాలని సీఎం అధికారులను ఆదేశించారు. ఎయిడెడ్‌ పాఠశాలలను కూడా నాడు -నేడు కింద అభివృద్ధి చేయాలని విన్నవించగా వాటిని ప్రభుత్వానికి అప్పగిస్తే అభివృద్ధి చేస్తామన్నారు. విదేశీ విద్యార్థులకు సాయం అందించే కార్యక్రమాన్ని కొనసాగించాలని మరికొందరు కోరారు.

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...