పవన్‌ చుట్టూ తెలియని శక్తేదో ఉంది..

[r2d2]

‘పవన్‌ కల్యాణ్‌ని చూసి ఎన్నో విషయాలు నేర్చుకున్నాను’ అంటోంది ముద్దుగుమ్మ నిధి అగర్వాల్‌. ‘హరిహర వీరమల్లు’ చిత్రంలో పవన్‌ సరసన నటిస్తోంది ఈ భామ. ఈ చిత్రంలోని తన పాత్ర, పవన్‌ గురించి తాజాగా ఓ ఇంటర్వ్యూలో చెప్పుకొచ్చిందిలా.. ‘నేను పవన్‌ కల్యాణ్‌కి పెద్ద అభిమానిని. ఆయన చిత్రాలు చూస్తూ పెరిగాను. ఎప్పటికైనా ఆయనతో కలిసి పనిచేయాలనే కల ‘హరిహర’తో నిజమైంది. పవన్‌ అద్భుతమైన నటుడు. అలాంటి నటుడితో కలిసి పని చేస్తుండటం గొప్ప అనుభూతినిస్తోంది. ఆయన చుట్టూ తెలియని ఏదో శక్తి దాగి ఉంది. అందుకే పవన్‌ సెట్‌లో అడుగుపెట్టగానే అక్కడున్న వారంతా చేస్తోన్న పనిని ఆపేసి ఆయన్నే చూస్తుంటారు. పవన్‌ గురించి చెప్పాల్సిన ముఖ్య విషయం ఏంటంటే.. ఏదైనా సన్నివేశం రిహార్సల్స్‌ చేయాల్సివస్తే అదొక బాధ్యతగా కాకుండా చాలా ఆనందంగా చేస్తుంటారు. ఈ చిత్రంలో భాగస్వామిని కావడం వల్ల ఆయన నుంచి ఎన్నో విషయాలు నేర్చుకున్నాను.