SP Balu Death Anniversary: పాటగా బతకనా మీ అందరి నోట అంటూ.. దివికేగిన ఎస్పీ బాలు ప్రథమ వర్ధంతి నేడు..

[Kool_SRG]

SP Balu Death Anniversary: విశ్వం మెచ్చిన "తెలుగు గాయకులు" కీ.శే.ఎస్పీ బాలసుబ్రమణ్యం.. నేటితో దివికేగి ఒక సంవత్సరం అవుతున్న సందర్భంగా ప్రతి ఒక్కరూ గంగంధర్వుడిని జ్ఞాపకం..

SP Balu Death Anniversary: విశ్వం మెచ్చిన “తెలుగు గాయకులు” ఎస్పీ బాలసుబ్రమణ్యం.. నేటితో దివికేగి ఒక సంవత్సరం అవుతున్న సందర్భంగా ప్రతి ఒక్కరూ గంగంధర్వుడిని జ్ఞాపకం చేసుకుంటున్నారు. కళాకారులకు మరణం ఎక్కడ.. మీరు బౌతికంగా మా మధ్యలేదు.. మీపాటలు, మీరు నటించిన సినిమాలతో మా మధ్య సజీవంగా .. మా మాది గదిలో ఓ అపురూపజ్ఞాకంగా చిరంజీవిలా చిరకాలం ఉంటారు. అవును సినిమా పాటకు పర్యాయ పదం బాలు. కోట్లాది మందికి ఆత్మానందాన్ని పంచిన అమరగాయకుడు ఎస్పీ బాలసుబ్రహ్మణ్యం. తెలుగు, తమిళ, కన్నడ, హిందీ మొదలు అనేక భాషా నటులకు, హీరోలకు వేల పాటలు పాడి..  తన గొంతులో వాళ్ళ పాత్రలను పలికించి, వారి విజయ సోపానంలో కీలక భూమిక పోషించిన నేపథ్య గాయక శిఖరం ఎస్పీబి.  తన గాత్రంతో ప్రేక్షకులకు అమృతాన్ని పంచాడు. ఇందరికి ఆత్మానందాన్ని పంచిన బాలుకి ప్రధమ వర్ధంతి సందర్భంగా టీవీ 9 వెబ్ సైట్ నివాళులపిస్తుంది..

అవును ఎస్పీ బాలు దివి నుంచి భువికి.. వచ్చిన గానగంధర్వుడు.. తన గాత్రంతో వీనుల విందుగా పాటలను ఆలపించి..తన పని పూర్తి చేసుకుని సంగీత ప్రియులకు, తన అభిమానులకు కన్నీరు మిగులుస్తూ.. మళ్ళీ భువి నుంచి దివికేగిన మహనీయులు. ఆయన గొంతులో ఓంకార నాదాలు సంధానమై నిలిచాయి. ఆయన పాటలతో శ్రోతలకు పంచామృతం పంచారు. ఆయన గానం స్వరరాగ నాదామృతం. ఆయన గళం నుంచి జాలువారే.. ప్రతిస్వరం ఆ దివిలో విరిసే పారిజాతమే. ఆయన స్వరంలో సప్తస్వరాలు రాగాలై నర్తిస్తాయి. బాలు గొంతులో ఏదో మాయ ఉంది.. హీరో, విలన్, కమెడియన్స్ ఎవరికైనా వారికి తగిన విధంగా పడే నేర్పు ఆయన సొంతం.. ఎస్పీ బాలు గొంతులో భక్తి రసం, విరహం, విషాదం, ప్రేమ, మాస్, క్లాస్ అంటే తెద్దా లేకుండా అలవోకగా జాలువారుతుంది. పాటలోని మాటలను …గొంతులో అభినయ ముద్రలుగా నిలిపి తెలుగుదనం ఒలికించిన విలక్షణ గాయకుడు బాలసుబ్రమణ్యం. అందుకనే ఎస్పీబాలసుబ్రమణ్యం ఎప్పటికీ గుర్తుండిపోతారు. సామాన్య గాయకుడిగా వెండి తెరపై అడుగు పెట్టి.. తెలుగు, తమిళ, కన్నడ, హిందీ లాంటి భాషల్లో సుమారు 40 వేలకు పైగా పాటలు పాడిన ఘనత ఆయన సొంతం. ఒక్క నేపధ్య గాయకుడి కాదు.. నటుడు, సంగీత దర్శకుడు, వ్యాఖ్యాతకూడా తన ప్రతిభతో ప్రేక్షకులను ఆకట్టుకున్నారు.

ఎస్పీబాలు పూర్తి పేరు శ్రీపతి పండితారాధ్యుల బాలసుబ్రహ్మణ్యం.  అందుకనే ఆయన్ని ముద్దుగా ఎస్పీబీ అని, బాలు అని పిలుచుకుంటారు. ఎస్పీ బాలసుబ్రమణ్యం 1946 జూన్ 4వ తేదీన నెల్లూరులో పీ సాంబమూర్తి, శకుంతలమ్మ దంపతులకు జన్మించారు. బాలుకి ఇద్దరు సోదరులు, నలుగురు చెల్లెలు. అందులో గాయని ఎస్పీ శైలజ, ఎస్పీ వసంత గాయకులుగా సుపరిచితులు. ఎస్పీ బాలసుబ్రమణ్యం సావిత్రిని ప్రేమించి పెళ్లి చేసుకున్నారు. ఈ దంపతులకు పల్లవి, ఎస్పీ చరణ్ సంతానం. ఇద్దరూ వెండి తెరపై గాయకులుగా అడుగు పెట్టారు. తండ్రిని మించిన స్థాయికి చేరుకోకుండా తమదైన శైలిలో పాటలతో అలరించారు. అంతేకాదు.. బాలు కూతురు, కొడుకు ఇద్దరికీ సంతానం కవలలు కావడం విశేషం.

బాలు తండ్రి సాంబమూర్తి హరికథా కళాకారుడు. పెద్ద కుటుంబంలో బాలసుబ్రహ్మణ్యం రెండవ కుమారుడుగా జన్మించారు. తండ్రిని చూస్తూ పెరిగిన బాలుకి చిన్నతనం నుంచి సంగీతంపై ఆసక్తి కలిగింది.  దీంతో బాలు ఐదేళ్ళ వయసులో తండ్రితో కలిసి భక్త రామదాసు అనే నాటకంలో నటించారు. ప్రాథమిక విద్య నగరి లోని మేనమామ శ్రీనివాసరావు ఇంటిలో ఉంటూ పూర్తి చేశారు. శ్రీకాళ హస్తిలోని బోర్డు పాఠశాలలో స్కూలు ఫైనలు చదివాడు. అయితే ఎస్పీబీ చదువులోనే కాక, ఆటల్లో కూడా ఎప్పుడూ ఫస్ట్.. ఇక  శ్రీకాళహస్తిలో చదువుతున్న సమయంలో జి. వి. సుబ్రహ్మణ్యం అనే ఉపాధ్యాయుడు చెంచులక్ష్మి సినిమాలో సుశీల పాడిన పాలకడలిపై శేషతల్పమున అనే పాటను ఆలపింపజేసి టేపు మీద రికార్డు చేయించారు. అదే సమయంలో రాధాపతి అనే మరో ఉపాధ్యాయుడు  బాలసుబ్రమణ్యం తో ఈ ఇల్లు అమ్మబడును, ఆత్మహత్య లాంటి నాటకాల్లో పాత్రలను ఇచ్చారు.  తర్వాత  పియుసి చదువుతున్న సమయంలో మద్రాసు ఆలిండియా రేడియోలో ప్రసారమయ్యే ఒక నాటికలో స్త్రీ పాత్ర ధరించారు. అనంతరం ఆకాశవాణి విజయవాడ కేంద్రంలో బాలు స్వయంగా రాసి, స్వరపరిచి పాడిన లలిత గీతానికి బహుమతి లభించింది.

అనంతపురంలో ఇంజనీరింగులో సీటుని వదులుకున్న బాలు మద్రాసు ప్రయాణమయ్యారు. తండ్రి కోరిక బాలు ఇంజనీర్ కావడం దీంతో చెన్నై లో ఇంజనీరింగుకి ప్రత్యామ్నాయమైన ఎ.ఎం.ఐ.ఇ కోర్సులో చేరారు.  ఇంజనీర్ చదువుతున్న సమయంలోనే బాలసుబ్రహ్మణ్యం చలనచిత్ర రంగ ప్రవేశం చేశారు. ప్రముఖ సంగీత దిగ్గజం ఎస్పీ కోదండపాణి శిష్యరికంలో ఎస్పీ బాలసుబ్రమణ్యం 1966లో డిసెంబర్ 15 తేదీన శ్రీశ్రీశ్రీ మర్యాద రామన్న చిత్రం ద్వారా తెలుగు సినిమా పరిశ్రమలోకి అడుగుపెట్టారు. ఆ తర్వాత తమిళ, కన్నడ, మలయాళ, హిందీ తదితర భాషల్లో వేలాది పాటలు పాడారు. 1981లో ఏక్ దూజే కే లియే చిత్రానికి ఆయనకు జాతీయ అవార్డు లభించింది. 1983లో సాగర సంగమం, 1986లో స్వాతిముత్యం, 1988లో రుద్రవీణ చిత్రాలకు జాతీయ అవార్డులు అందుకొన్నారు.

ఓ వైపు నేపధ్య గాయకుడిగా పాటలు పడుతూనే.. మరోవైపు మ్యూజిక్ డైరెక్టర్‌గా, డబ్బింగ్ హోస్ట్‌గా , నటుడిగా మల్టీ టాలెంటెడ్ పర్సన్ గా సినీ పరిశ్రమలో తనదైన ముద్ర వేశారు బాలు.  మన్మధలీలై చిత్రంతో డబ్బింగ్ ఆర్టిస్టుగా గుర్తింపు  పొందిన బాలు.. కమల్ హాసన్, రజనీకాంత్, విష్ణువర్ధరణ్, సల్మాన్ ఖాన్ , కే భాగ్యరాజా, అనిల్ కపూర్, గిరీష్ కర్నాడ్, జెమిని గణేషన్, అర్జున్ సర్జా, కార్తీక్, రఘువరన్ లాంటి ఎందరో ప్రముఖ నటులకు గాత్రదానం చేశారు. ఇక 1969లో పెళ్లంటే నూరేళ్ల పంట చిత్రం ద్వారా నటుడిగా ఎంట్రీ ఇచ్చాడు. పక్కింటి అమ్మాయి, ప్రేమ, వివాహ భోజనంబు, కళ్లు, చెన్నపట్నం చిన్నోడు, ప్రేమికుడు, గుణ, పవిత్రబంధం, మిథునం, దేవస్థానం లాంటి చిత్రాల్లో అద్భుతమైన పాత్రలు పోషించారు. చివరిసారిగా దేవదాస్ చిత్రంలో నటించారు. సంగీత నేపధ్యం ఉన్న షో పాడుతా తీయగా.. ఈ షోకి వ్యాఖ్యాతగా బాలు ఎంతగానో ఆకట్టుకున్నారు. ఎంతోమంది యువ గాయనీగాయకులు వెండి తెరకు అందించారు. మ్యూజిక్ డైరెక్టర్ పడమటి సంధ్యారాగం సినిమా ఎప్పటికీ సినీ ప్రేక్షకుడికి గుర్తింది పోతుంది.

40 ఏళ్ళ సుదీర్ఘ ప్రస్థానంలో 6 జాతీయ పురస్కారాలు, 6 ఫిల్మ్ ఫేర్ దక్షిణాది పురస్కారాలు, ఒక ఫిల్మ్ ఫేర్ పురస్కారం అందుకున్నాడు. 40 వేల పాటలు 11 భాషలలో పాడి, 40 సినిమాలకి సంగీత దర్శకత్వం వహించి ప్రపంచంలోనే అరుదైన రికార్డ్  సృష్టించిన గాయకులూ బాలు.. తెలుగు వారు కావడం మనకందరికీ గర్వకారణం. వివిధ భాషల్లో పాడిన పాటలకు జాతీయ పురస్కారాలు అందుకున్నారు. సింగర్ గా , నటుడిగా, సంగీత దర్శకుడిగా ఆయా విభాగాలలో ఆంధ్రప్రదేశ్ ప్రభుత్వ నంది పురస్కారాన్ని  25 సార్లు అందుకున్న భాహుముఖ ప్రజ్ఞాశాలి ఈ గాన గంధర్వుడు. తమిళనాడు, కర్ణాటక రాష్ట్రప్రభుత్వాల నుంచి కూడా పలు పురస్కారాలు  అందుకున్నారు. పద్మశ్రీ , పద్మభూషణ్ ,పద్మ విభూషణ్,  డాక్టరేటు వంటి అనేక బిరుదులను అందుకున్న బాలు ఆగస్టు 5 తేదీన కరోనా వ్యాధి బారిన పడ్డారు. చెన్నైలోని ఎంజీఎం హాస్పిటల్‌లో చికిత్స పొందుతూ కన్నుమూశారు. కోలుకుని తిరిగి వస్తారని అందరూ ఎదురుచూస్తున్నా వేళ.. అంత్యమీ అలసితి సొలసితి అంటూ తన గళ కలశంలో ఆ సర్వేశ్వరుడుని ఎంతలా ఆర్థిగా వేడుకున్నారో.. ‘‘పాటగా బతకనా మీ అందరి నోట’’ అని సెలవు ఇచ్చి.. భువి నుంచి దివికేగారు గానగంధర్వుడు..

[Kool_SRG]

 

[Kool_SRG]

Time just flies still can't realize he is not between us physically..

[Kool_SRG]

SP Balasubrahmanyam Death Anniversary: గాన గంధర్వుడు ఎస్పీ బాలసుబ్రహ్మణ్యం సినీ ప్రస్థానంలో కీలక ఘట్టాలు..

ఎస్పీ బాల సుబ్రహ్మణ్యం  తెలుగు సినీ సంగీత ప్రపంచంలో ఆయనకు ముందు తర్వాత అనేంతగా తెలుగుతో పాటు దక్షిణాది సినీ ప్రపంచంలో తనదైన ముద్ర వేసారు. ఎస్పీ బాలు విషయానికొస్తే.. ఆయన గొంతులో ఓంకార నాదాలు సందానమై నిలిచాయి. ఆయన పాట శ్రోతలకు పంచామృతం. ఆయన గానం స్వరరాగ నాదామృతం. దివిలో తిరగాడే గంధర్వులు భువికి దిగి వచ్చి పాడినట్లుగా ఉంటుందా గాత్రం. ఆయన గళం నుంచి జాలువారే.. ప్రతిస్వరం ఆ దివిలో విరిసే పారిజాతమే. ఆయన స్వరంలో సప్తస్వరాలు రాగాలై నర్తిస్తాయి.బాలు గొంతులో భక్తి తొణికిస లాడుతుంది. విరహము ఉంటుంది. విషాద పాటలైనా, ప్రేమ గీతాలైనా, మాస్ బీట్స్ అయినా..సందేశాత్మకాలైనా.. ప్రతీది ఆయన నోట అలవోకగా జాలువారుతాయి.

పాటలోని మాటలను ...గొంతులో అభినయ ముద్రలుగా నిలిపి తెలుగుదనం ఒలికించిన విలక్షణ గాయకుడు బాలసుబ్రమణ్యం. ఆయన గొంతకు తరాల అంతరాలు తెలియదు.

బాలసుబ్రహ్మణ్యం.. ,1946 జూన్ 4న నెల్లూరులోని కోనేటమ్మపేటలో జన్మించారు. ఆయన అసలు పేరు శ్రీపతి పండితారాధ్యుల బాలసుబ్రమణ్యం. చిన్నతనం నుంచే పాటలు పాడటం హాబీగా మార్చుకున్న బాలుకి.. తొలిసారిగా 1966లో విడుదలైన ‘శ్రీశ్రీశ్రీ మర్యాద రామన్న’ చిత్రంలో పాడే అవకాశం వచ్చింది.ఎంతమంది కథానాయకులకైనా తన అద్భుతమైన స్వరంతో వారికి అనుగుణంగా పాటలు పాడగల గొప్పగాయకుడు ఎస్. పి. బీ. తెలుగు సినిమా గీతాలకు దొరికిన ఒకానొక ఆణిముత్యం బాలసుబ్రహ్మణ్యం.  తెలుగు సినిమా పాటకు ఘంటసాల తరువాత లభించిన సిసలైన వారసుడు బాలసుబ్రహ్మణ్యం.

గాయకుడిగా కెరీర్ ప్రారంభించాక ఆయనకు పెద్ద స్టార్స్ కు పాడే అవకాశం రాలేదు. కేవలం అప్పుడే వస్తున్న అప్ కమింగ్ హీరోలకే పాడే అవకాశం మాత్రమే వచ్చేది. అప్పటికే ఎన్టీఆర్, ఏన్నార్‌లకు ఘంటసాల తప్ప ఎవరు పాడినా.. ప్రేక్షకులు అంగీకరించే పరిస్థితి లేదు. అయిన అడపా దడపా ఘంటసాలతో గొంతు కలిపే పాడే అరుదైన అవకాశాలు.. బాలుకు రానే వచ్చాయి. ప్రతిరాత్రి వసంత రాత్రి.. ప్రతిగాలి పైర గాలి.. అంటూ ‘ఏకవీర’ లో అమర గాయకుడు ఘంటసాల తో బాలు ఆలపించిన గానం నేటికి శ్రోతలను హమ్ చేసుకునేలా ఉంటాయి.

ఘంటసాల మరణం తర్వాత తెలుగు సినిమా పాటలకు పెద్ద దిక్కైయ్యారు బాల సుబ్రహ్మణ్యం. సన్నివేశానికి న్యాయం చేకూరుస్తూ..సన్నివేశ బలానికి తగినట్టు నటనను గాత్రంలో ప్రస్పుటంగా ప్రకటించగల గాయకుడు ఎప్పీ. ముఖ్యంగా బాలు సినీ జీవితం ‘శంకరాభరణం’ సినిమాతో పూర్తిగా మారిపోయింది. అప్పటివరకు మాస్ గీతాలకే పరిమితం అయిన బాలు.. ఈ సినిమాలో క్లాసికల్ పాటలను సైతం అద్భుతంగా పాడగలనని విమర్శకుల ప్రశంసలు దక్కించుకున్నారు. ఈ చిత్రానికి బాలు తొలిసారి జాతీయ స్థాయిలో ఉత్తమ గాయకుడిగా అవార్డు అందుకున్నారు.

 

 

పదాల మాధుర్యాన్ని గమనించి.. బాలూ చేసే ఉచ్చారణ పాటను పండిత పామరులకి చేరువ చేసింది. తరాలు మారినా ఎందరో నటులకు వారి హావభావలకు, నటనా శైలులకు అనుగుణంగా ఆయన పాటలు పాడి.. ప్రాణం పోశారు. ఒక పాట విన్న తర్వాత ఆ పాట ఏ హీరోదో చెప్పడం అది బాలూ పాడితేనే సాధ్యం. తెలుగులోనే కాదు ఉత్తరాదిన కూడా పాడి తన సత్తా చాటారు బాలూ. హిందీలో తొలిసారి పాడిన ‘ఏక్ దూజేలియే’ చిత్రంలో..  అద్భుతంగా పాడి అక్కడి వారిచేత శభాష్ అనిపించుకున్నారు. ఈ సినిమాకు కూడా ఉత్తమ గాయకుడిగా జాతీయ అవార్డు దక్కడం విశేషం. ఈ విధంగా తెలుగు తో పాటు హిందీ, తమిళం, కన్నడ లాంటి నాలుగు భాషల్లో కలిపి ఆరు సార్లు జాతీయ ఉత్తమ గాయకుడిగా నిలవడం ఒక్క బాలసుబ్రహ్మణ్యానికే చెల్లింది.

‘చెల్లెలి కాపురం’ లో బాలు పాడిన.. చరణ కింకరులు ఘల్లు ఘల్లు మన...కర కంకణములు గల గల లాడగా అంటూ ఎస్పీ తన గొంతులో పలికించిన వేరియేషన్స్ శ్రోతల మదిలో ఇప్పటికీ అలాగే నిలిచిపోయాయి. ఏపాట పాడినా.. ఆ పాటకే అందం వచ్చేంతగా ఆలపించడం బాలు కి తప్పించి మరొకరికి సాధ్యం కాదు. భక్తి గీతాలను సైతం ఎంతో రసరమ్యంగా పాడ్డంలో బాలూ శైలే వేరు. ముఖ్యంగా అన్నమయ్య, శ్రీరామదాసు, శ్రీరామరాజ్యం చిత్రాలలో ఎస్పీ ఆలపించిన భక్తి గీతాలు ఇప్పటికీ ప్రతి ఇంటా వినిపిస్తూనే ఉన్నాయి.

గాయకుడిగానే కాకుండా.. సంగీత దర్శకుడిగా, నటుడిగా, టి.వి వ్యాఖ్యాతగా, డబ్బింగ్ ఆర్టిస్ట్‌గా, నిర్మాతగా.. ఇలా బహుముఖ ప్రఙ్ఞను ప్రదర్శించారు బాలు. సంగీత దర్శకుడిగా ‘పడమటి సంధ్యారాగం’, ‘జాకీ’, ‘మగధీరుడు’, ‘జైత్రయాత్ర’ వంటి  యాభై చిత్రాల వరకూ మ్యూజిక్ అందించారు. నిర్మాతగా ‘కెప్టెన్ కృష్ణ, ఆదిత్య369, శుభసంకల్పం, భామనే సత్యభామనే, వంటి సూపర్ డూపర్ హిట్ చిత్రాలను నిర్మించి తన అభిరుచి  చాటుకున్నారు. బాలసుబ్రమణ్యం పాటలు పాడుతుంటే వినేవారికి మాటలు రావు. ఓ పాపా లాలి చిత్రంలో ‘మాటేరాని చిన్నదాని కళ్లు పలికే ఊసులు’ అంటూ...బాలూ నటించి, ఆలపించిన బ్రీత్ లెస్ గీతం సంగీతాభిమానులు ఎప్పటికి మరిచిపోలేరు.

నాడు ఎన్టీఆర్ నటించిన ‘జగదేకవీరుని కథ’ సినిమాలో ఘంటసాల ఆలపించిన శివశంకరి పాట తెలియని సంగీత రసజ్ఞులు ఉండరు. తన గురువు ఘంటసాల బాటలో ‘భైరవ ద్వీపం’లో బాలూ పాడిన శ్రీ తుంబుర నారద నాదామృతం పాటలో..బాలూ ఆలపించిన గంధర్వ గానం శ్రోతలకు మళ్లీ మళ్లీ వినాలనిపిస్తుంది.నాలుగు దశాబ్దాల్లో...11భాషల్లో 40వేల పాటలు పాడి గిన్నీస్ రికార్డు నెలకొల్పారు బాలు. ఆయన అందుకున్న కేంద్ర, రాష్ట్ర ప్రభుత్వాల పురస్కారాలకు లెక్కే లేదు.

చనిపోయే కొన్ని నెలల క్రితమే నెల్లూరిలో ఉన్న సొంత ఇంటిని శంకరాచార్య పీఠానికి ఇచ్చారు.  ఉత్తమ గాయకుడిగా ఆరు సార్లు జాతీయ అవార్డు. కేంద్రం ప్రభుత్వం ప్రతిష్టాత్మక  పద్మశ్రీ, పద్మభూషణ్ పురస్కారాలను అందుకున్నారు. చనిపోయిన తర్వాత కేంద్రం ఈయనకు పద్మవిభూషణ్‌తో గౌరవించింది. తెలుగులో ఏఎన్నార్ తర్వాత మూడు పద్మ పురస్కారాలు అందుకున్నది దివంగత బాలూ గారే కావడం విశేషం. గతేడాది ఆగష్టు 5న బాలు గారు  కరోనాతో చెన్నై ఎంజీఎం హాస్పిటిల్‌లో జాయిన్ అయిన ఎస్పీ బాల సుబ్రహ్మణ్యం కరోనా పోరాడుతూ గతేడాది 74 ఏళ్ల వయసులో 2020 సెప్టెంబర్ 25న ఈ లోకాన్ని విడిచి వెళ్లారు.

బాలు మృతితో భారతీయ సినీ సంగీత ప్రపంచంలో ఓ శకం ముగిసినట్టైయింది. అంతేకాదు తెలుగు సినీ సంగీత ప్రపంచంలో ఆయనకు ముందు తర్వాత అనేంతగా తెలుగుతో పాటు దక్షిణాది సినీ ప్రపంచంలో తనదైన ముద్ర వేసారు. అందుకే బాలు నోటి నుంచి వచ్చే ప్రతి పాట పంచామృతమే. గాయకుడిగా ఆయన స్వరరాగ ప్రవాహం ఇప్పటికీ ఎప్పటికీ తరగని నిధి.

[Khaidino6093]

2 hours ago, Kool_SRG said:

Time just flies still can't realize he is not between us physically..

Ade kada appude 1 year aypoyinda

[Kool_SRG]

@shaw183

This is from Ilaiyaraaja Official Youtube Channel

 

[tennisluvrredux]

Telugu industry lo okka program kooda cheyale, okkadu kooda matladale. Ee so called super stars megay stars andaru ala stars avvadam lo eeyana sahakaram chaala undi. 

Ade Tamil industry lo choodandi vayya 3 hours program nirvahincharu Tamilodu kakunna, anduke ee Telugu industry ila tagaladindi. next time manam outsiders ochi sasistunnaru ane mundu mana own backyard choosukodam better. 

Emantavu bedaru @RedThupaki

[ShruteSastry]

What a Song Sir. SPB should have lived some more years.

[RedThupaki]

33 minutes ago, ShruteSastry said:

What a Song Sir. SPB should have lived some more years.

Yes ...ee song vintuu...baalu sir ni think chesthuntey...heart rending...

Ee song aayaney aayna kosam paadinattu undhi...

Long live spb sir

[RedThupaki]

39 minutes ago, tennisluvrredux said:

Telugu industry lo okka program kooda cheyale, okkadu kooda matladale. Ee so called super stars megay stars andaru ala stars avvadam lo eeyana sahakaram chaala undi. 

Ade Tamil industry lo choodandi vayya 3 hours program nirvahincharu Tamilodu kakunna, anduke ee Telugu industry ila tagaladindi. next time manam outsiders ochi sasistunnaru ane mundu mana own backyard choosukodam better. 

Emantavu bedaru @RedThupaki

Motham industry kaadhuley bro...old actors andaru industry kosam kastapaddaru...like NTR..aNR...SVR...prabhakar reddyy.ghantasalaa gaadu etc etc...great people....aa tharavtha antha scrap...

 

 

[tennisluvrredux]

12 minutes ago, RedThupaki said:

Motham industry kaadhuley bro...old actors andaru industry kosam kastapaddaru...like NTR..aNR...SVR...prabhakar reddyy.ghantasalaa gaadu etc etc...great people....aa tharavtha antha scrap...

 

 

Yeah nenu modern generation gurinche cheptunna bro, veellu entha kampu gallu tayarayyaro latest incidents choose cheppochu. Malli industry ki annayya ani okadosthadu, ilanti incidents ayinappudu pilli la moosukuni koorchuntadu. Atleast Dasari had guts to speak honestly, veediki adi ledu

[RedThupaki]

1 hour ago, tennisluvrredux said:

Yeah nenu modern generation gurinche cheptunna bro, veellu entha kampu gallu tayarayyaro latest incidents choose cheppochu. Malli industry ki annayya ani okadosthadu, ilanti incidents ayinappudu pilli la moosukuni koorchuntadu. Atleast Dasari had guts to speak honestly, veediki adi ledu

Anniya gurunchi enni books raasina saripovu bro..anniya meGayy paamily telugu states ki chesthunna benefit antha intha kaadhu ...enthoooo undhi

[futureofandhra]

telugu gonthu moogaboyina roju

[shaw183]

ekadiki vellipoyado mahanubhavudu 🙏

[tennisluvrredux]

4 hours ago, futureofandhra said:

telugu gonthu moogaboyina roju

Ayana telugodi ga janminchadam mana adrustam, but we don't deserve him. 

Bharat Ratna demand kooda Tamila sodarula nunde vellindi, mana industry kaneesam oka statement kooda ivvale aayana vardhanti rojuna. 

Adi manam mana artists ki iche value, Kota gaaru anna danilo asalu tappe ledu.