తొడ కొట్టడానికి బ్రాండ్‌ అంబాసిడర్‌ని..

[r2d2]

ఆయన వ్యాఖ్యాతగా తెలుగు ఓటీటీలో ప్రసారమవుతున్న షో ‘అన్‌స్టాపబుల్‌’. ఇప్పటికే మోహన్‌బాబు, నానిలు ఈ షోకు వచ్చి సందడి చేశారు. నానితో చిట్‌చాట్‌ సందర్భంగా జరిగిన ఆసక్తికర సన్నివేశాల వీడియోను ఆహా పంచుకుంది. ‘సర్‌ చివరిలో తొడ కొట్టాలి’ అని నాని అడిగితే, ‘తొడ కొట్టడానికి బ్రాండ్‌ అంబాసిడర్‌ని. సినిమా ఫంక్షన్‌, రాజకీయంగా ప్రచారానికి వెళ్లినా, ‘గురువుగారు తొడకొట్టండి’ అని అంటారు. ‘ఇప్పుడెందుకు రా ఇవన్నీ’ అంటే ఒప్పుకోరు’’ అని బాలకృష్ణ అన్నారు. ఇక ‘మీకు బాలయ్యగారితో నటించే అవకాశం వస్తే ఏ రోల్‌ సెలక్ట్‌ చేసుకుంటారు’ అని అడగ్గా ‘సినిమా కథ రెడీగా ఉందా’ అని బాలకృష్ణ ప్రశ్నించారు. అందుకు నాని సమాధానం ఇస్తూ ‘గాడ్‌ ఫాదర్‌లో ఆయన బ్రాండో అయితే, అల్‌పిచినో రోల్‌ చేస్తా’  అని అన్నారు.