Andamaina Prema Katha" Preminchi Chudu" tho rabotunna Natasimham Varasudu Nandamuri Mokshagna...

[Drunkenmonkey]

బాలయ్య వార‌సుడు మోక్షజ్ఞ ఎంట్రీ క‌న్ఫార్మ్.. టైటిల్ కూడా వ‌చ్చేసిందే..!

 

 బాల‌య్యే స్వ‌యంగా మోక్షు గురించి ప్రస్తుతం నటనలో శిక్షణతో పాటు డాన్సులు, ఫైట్లు నేర్చుకుంటున్నాడని కొద్ది రోజుల క్రితం ప్రకటన చేసిన సంగతి తెలిసిందే. ఇండ‌స్ట్రీ వర్గాల సమాచారం ప్రకారం.. మోక్షజ్ఞ ఎంట్రీ సినిమాకి నేచురల్ స్టార్ నాని `శ్యామ్‌ సింగరాయ్‌` సినిమాకి దర్శకత్వం వహించిన రాహుల్ సంకృత్యాన్ దర్శకత్వం వహిస్తాడని తెలుస్తోంది.

బాలయ్య సైతం ఈ అద్భుతమైన అవకాశం రాహుల్ కి ఇచ్చాడన్న ప్రచారం జరుగుతోంది. వారాహి చలన చిత్రం బ్యాన‌ర్ పై బాలయ్యకు, రాజమౌళికి అత్యంత సన్నిహితుడు అయినా సాయి కొర్రపాటి మోక్షజ్ఞ డెబ్యూ సినిమాను భారీ బడ్జెట్ తో నిర్మించేందుకు రెడీగా ఉన్నారట. రాహుల్ ఇప్పటివరకు డైరెక్ట్ చేసినవి రెండు, మూడు సినిమాలే అయినా.. ఓ వర్గం ప్రేక్షకుల్లో రాహుల్ సినిమాలపై ఎప్పుడూ ఆసక్తి ఉంటుంది.

ఇక మోక్షజ్ఞ తొలి సినిమాకు అదిరిపోయే మాస్ కథ కాకుండా, సాఫ్ట్ ప్రేమ కథ తీసుకున్నట్టు తెలుస్తోంది. ఈ సినిమాకి `ప్రేమించి చూడు` అనే టైటిల్ కూడా ఖరారు చేసినట్టు సోషల్ మీడియాలో ప్రచారం జరుగుతుంది. త్వరలోనే మోక్షజ్ఞ డెబ్యూ సినిమాపై బాలయ్య నుంచే అధికారిక ప్రకటన అయితే రానుందని తెలుస్తోంది. ఈ ప్రకటన వస్తే నందమూరి అభిమానుల ఆనందానికి హద్దే ఉండదు