Safest place to keep your phone - Brazil style

[BattalaSathi]

Bizarre Love Story : ఫోన్‌ కొట్టేసినోడితో బ్రెజిల్‌ యువతి ప్రేమాయణం.. రెండేళ్లుగా సాగుతోందట

Eenadu

~3 minutes

---

ప్రేమ (Love) ఎప్పుడైనా, ఎక్కడైనా, ఎవరిలోనైనా పుడుతుందంటారు. ఓ చోరీ నేపథ్యంలో పుట్టుకొచ్చిన ఈ బ్రెజిలియన్స్‌ ప్రేమకథ గురించి చదివేయండి. 

Published : 27 Jul 2023 02:12 IST

Image : Milton Neves twitter

ఇంటర్నెట్‌ డెస్క్‌: తన సెల్‌ఫోన్‌ చోరీ చేసిన దొంగతోనే ఓ బ్రెజిల్‌ (Brazil) యువతి ప్రేమలో (Love)  పడింది. వారిద్దరూ కలిసి తమ లవ్‌స్టోరీని (Love story) వివరిస్తున్న వీడియో ఒకటి తాజాగా వైరల్‌గా మారింది. తాము ఎలా పరిచయమయ్యామో యువతి ఇమాన్యులా అందులో వివరించింది. ‘నేను ఓ వీధిలో నడుచుకుంటూ వెళ్తున్నాను. అతడు అదే వీధిలో నివాసం ఉంటున్నాడు. అకస్మాత్తుగా వచ్చి నా ఫోన్‌ లాక్కొని పారిపోయాడని’ తన ఫస్ట్‌ డేట్‌ గురించి చెప్పుకొచ్చింది. ఆ తరువాత ఫోన్‌లో ఆమె ఫొటో చూడగానే తన మనసు మారిపోయిందని ఆ దొంగ తన ప్రేమ కథను వెల్లడించాడు. 

డార్క్‌వెబ్‌లో ఆరితేరిన 8 ఏళ్ల బాలుడు.. ఏకే-47 రైఫిల్‌ ఇంటికి తెప్పించుకున్నాడు!

‘నేను క్లిష్ట పరిస్థితి ఎదుర్కొన్నాను. మీకు తెలుసా.. అంతవరకు నా జీవితంలో ఏ అమ్మాయికి చోటు లేదు. ఫోన్‌లో వాల్‌పేపర్‌పై ఆమె ఫొటో చూడగానే ఎంత అందమైన జుట్టు ఈమెది అనుకున్నాను. ఇలాంటి అమ్మాయిని రోజూ చూడలేమని నాకు నేను సంజాయిషీ ఇచ్చుకున్నాను. ఆ అమ్మాయి ఫోన్‌ దొంగతనం చేసినందుకు ఎంతగానో బాధపడ్డానని’ చెప్పాడు. ఈ కథంతా విన్న తరువాత ఇంటర్వ్యూ చేస్తున్న వ్యక్తి ‘అయితే నువ్వు మొదట ఆమె ఫోన్‌ కొట్టేశావ్‌.. తరువాత అమె మనసు దోచేశావ్‌’ అంటూ సరదాగా వ్యాఖ్యానించాడు. దానికి ఆ దొంగ ‘కచ్చితంగా’ అంటూ బదులిచ్చాడు. వీరిద్దరూ కలిసి రెండేళ్లుగా ప్రేమలో ఉన్నట్లు తెలిసింది. 

ఈ దొంగ ప్రేమ కథ వైరల్ కావడంతో ట్విటర్‌లో నెటిజన్లు రకరకాలుగా కామెంట్స్ చేస్తున్నారు. ‘ఇలాంటి అసంభవమైన ప్రేమకథలు బ్రెజిల్‌లో మాత్రమే పుడతాయని’ ఓ నెటిజన్‌ పేర్కొన్నాడు. ‘ప్రేమ పుష్పం ఎక్కడైనా, ఏ స్థితిలోనైనా వికసిస్తుందని’ మరికొందరు కవితాత్మకంగా రాసుకొచ్చారు. ‘వినడానికి కామెడీగా ఉన్నా ఇది రియల్‌.. ఎందుకంటే అది బ్రెజిల్’ అంటూ మరో నెటిజన్‌ కామెంట్‌ చేశాడు.