Nara Lokesh: జగన్‌కు ఎక్స్‌పైరీ డేట్ ఫిక్సయింది.

[psycopk]

Nara Lokesh: జగన్‌కు ఎక్స్‌పైరీ డేట్ ఫిక్సయింది.. తాటిపాక సభలో లోకేశ్ వార్నింగ్ 

27-11-2023 Mon 13:15 | Andhra

• సుదీర్ఘ విరామం తర్వాత ప్రారంభమైన లోకేశ్ పాదయాత్ర
• తాటిపాక సెంటర్‌‌లో జగన్‌ ప్రభుత్వంపై నిప్పులు చెరిగిన టీడీపీ యువనేత
• బహిరంగ సభకు పోటెత్తిన ప్రజలు
• చంద్రబాబును జైలుకు పంపి తన యాత్రను ఆపాలని జగన్ భావించారని మండిపాటు
• టీడీపీకి సంక్షోభాలు కొత్తకాదన్న లోకేశ్
•  అధికారంలోకి వచ్చాక వడ్డీ సహా చెల్లిస్తామని హెచ్చరిక

 

రెండున్నర నెలల సుదీర్ఘ విరామం తర్వాత టీడీపీ యువనేత నారా లోకేశ్ ‘యువగళం’ పాదయాత్ర ఈ రోజు తిరిగి ప్రారంభమైంది. ఉమ్మడి తూర్పుగోదావరి జిల్లా రాజోలు నియోజకవర్గంలోని పొదలాడలో ఉదయం 10.19 గంటలకు పాదయాత్రలో మళ్లీ తొలి అడుగుపడింది. ఈ క్రమంలో తాటిపాక సెంటర్‌లో జరిగిన బహిరంగ సభకు జనం పోటెత్తారు. కోనసీమ నలుమూలల నుంచి వచ్చిన ప్రజలతో పరిసరాలు కిక్కిరిసిపోయాయి. సంఘీభావంగా టీడీపీ, జనసేన కార్యకర్తలు కూడా పాల్గొన్నారు. 

ఈ సందర్భంగా లోకేశ్ మాట్లాడుతూ.. తనపై ఆరు కేసులు పెట్టినా వెనక్కి తగ్గలేదని స్పష్టం చేశారు. ఎన్ని అడ్డంకులు సృష్టించినా యువగళం పాదయాత్రను అడ్డుకోలేరని స్పష్టం చేశారు. చంద్రబాబును జైలుకు పంపితే తన పాదయాత్ర ఆగుతుందని భ్రమపడ్డారని ఎద్దేవా చేశారు. చివరికి అన్నా క్యాంటీన్‌నూ వదలేదని విమర్శించారు. స్కిల్ ఖాతాలో ఒక్క ఆధారమైనా చూపించలేకపోయారని ధ్వజమెత్తారు.

వ్యవస్థలను మ్యానేజ్ చేసి చంద్రబాబును 53 రోజులు జైలులో పెట్టారని ఆగ్రహం వ్యక్తం చేశారు. మీ కౌంట్‌డౌన్ మొదలైందని మంత్రులకు హెచ్చరికలు జారీ చేశారు. తాను ఏ తప్పూ చేయలేదు కాబట్టే ఇక్కడ నిల్చున్నానని తెలిపారు. ఎన్ని కేసులు పెడతారో పెట్టుకోవాలని, అధికారంలోకి వచ్చాక వడ్డీతో సహా చెల్లించే బాధ్యత తీసుకుంటానని హెచ్చరించారు.

లోకేశ్ ప్రసంగం పూర్తి పాఠం.. 

 *  సంక్షోభాలు, పోరాటాలు టీడీపీకి కొత్తకాదు. ఎన్టీఆర్ దగ్గర నుంచి చంద్రబాబు వరకూ అనేక సంక్షోభాలు ఎదుర్కొంది.
*  కష్టాలకు ఎదురునిలబడి పోరాడే దమ్ము మనకి ఉంది.
* యుద్ధం మొదలైంది. సైకో జగన్‌కి ఎక్స్ పైరీ డేట్ ఫిక్స్ అయ్యింది. 
*  మూడే నెలలు.. మూడు నెలల్లో సైకో పిచ్చాసుపత్రికి ప్యాకప్.  
*  యువగళం పాదయాత్ర కు 79 రోజులు బ్రేక్ ఇచ్చినందుకు మీరు నన్ను క్షమించాలి.  
* ఆ వెంకటేశ్వర స్వామి ఆశీస్సులతో జనవరి 27 న నేను యువగళం పాదయాత్ర ప్రారంభించాను. 
*  యువగళానికి బ్రేకుల్లేవు.. వీక్ ఆఫ్ లేదు, శనివారం, ఆదివారం లేదు. 
*  209 రోజుల పాటు ప్రజల్లో ఉన్నా. 
*  10 ఉమ్మడి జిల్లాల పరిధిలో 2853 కిలోమీటర్లు పాదయాత్ర చేశాను. 
*  రైతులు, యువత, మహిళలు, ముస్లింలు, బీసీలు, ఎస్సీలు, ఎస్టీలు, వ్యాపారులు, ఐటీ ప్రొఫెషనల్స్, భవన నిర్మాణకార్మికులు, న్యాయవాదులు, రవాణారంగ ప్రతినిధులు, ఆటో డ్రైవర్లు, ఆర్ఎంపీలతో అనేక ముఖాముఖి సమావేశాలు నిర్వహించి వారి సమస్యలు తెలుసుకున్నాను. టీడీపీ- జనసేన అధికారంలోకి వచ్చిన వెంటనే వారి కష్టాలు తీరుస్తా.
*  ప్రతి వంద కిలోమీటర్ల పాదయాత్రకు గుర్తుగా ప్రత్యేక హామీలు ఇచ్చాను. 
*  యువగళం ప్రజాగళంగా మారింది.
*  నేను పాదయాత్ర మొదలుపెట్టిన మొదటి రోజు నుంచే సైకో జగన్ అడ్డుకోవడానికి స్కెచ్ లు వేసాడు. 
*  పోలీసుల్ని పంపాడు, పిల్ల సైకోలను పంపాడు.  అయినా మనం తగ్గేదేలేదు. నా మైక్ లాక్కున్నారు ... అన్న ఎన్టీఆర్ ఇచ్చిన గొంతు ఆపే మగాడు పుట్టలేదు. ముందే చెప్పా సాగనిస్తే పాదయాత్ర... అడ్డుకుంటే దండయాత్ర.
*  వాలంటీర్ల మీద కేసులు పెట్టాడు, నాయకుల మీద కేసులు పెట్టాడు, నా మీద కేసులు పెట్టాడు అయినా యువగళం ఆగలేదు.
*  ఆఖరికి మన రాముడు చంద్రబాబుని అరెస్ట్ చేసి యువగళం పాదయాత్ర ఆపాడు ఈ సైకో జగన్. 
*   సొంత అమ్మని చూసినా, సొంత చెల్లిని చూసినా సైకో జగన్ కి  భయమే. 
*  స్కిల్ కేసు లో ముందు 3 వేల కోట్ల అవినీతి అన్నారు, ఆ తరువాత తూచ్ 370 కోట్లే అన్నారు, ఇప్పుడు 27 కోట్లు అంటున్నారు. అవి కూడా పార్టీ అకౌంట్ లోకి వచ్చాయి అంటున్నారు. 
*  హైకోర్టు లో నిజం గెలిచింది. బెయిల్ ఇస్తూ ఇచ్చిన ఆర్డర్ కాపీ చదివిన ఎవరికైనా జగన్ వ్యవస్థల్ని ఎలా నాశనం చేశాడో అర్థమైంది.
*   తప్పు చేస్తే చంద్రబాబు గారే నన్ను వదిలిపెట్టరు. 
*  ఆఖరికి మా అమ్మ భువనమ్మ, నా భార్య బ్రాహ్మణి పై కూడా కేసులు పెడతాం అరెస్ట్ చేస్తాం అని మంత్రులు మాట్లాడారు. ఆ మంత్రులకు భయం పరిచయం చేసే బాధ్యత నాది.
*  పవన్ కళ్యాణ్ గారిని రాష్ట్రంలో అడుగు పెట్టకుండా అడ్డుకున్నారు. అయినా మన పోరాటం ఆగలేదు.
*  ఉద్యమంలో భాగస్వామ్యమై నిజాన్ని గెలిపించిన అందరికీ చేతులెత్తి నమస్కరిస్తున్నాను. 
*  జైలర్ ఎవరో తెలుసా?  చంద్రబాబు గారు. మీ తాట తీస్తారు. ఇది ఖాయం రాసిపెట్టుకోండి. 
*  చలి కాలంలో ఫ్యాన్ కి ఉక్కపోత మొదలైంది. మూడు నెలల్లో ఫ్యాన్ మాడిపోవడం ఖాయం.
*  జగన్‌కు ఊరికో ప్యాలస్ ఉంది. ఏదీ 500 కోట్లకు తక్కువ లేదు ఈయన పేదవాడు అంట.  
*  అమర్నాథ్ గౌడ్ లాంటి బీసీ బిడ్డలను ఎంత కిరాతకంగా చంపారో గుర్తుపెట్టుకోండి. 
*  డాక్టర్ సుధాకర్, డాక్టర్ అచ్చెన్న, డాక్టర్ అనితారాణి, డ్రైవర్ సుబ్రహ్మణ్యం, వరప్రసాద్, చీరాలలో కిరణ్, చిత్తూరు లో ఓం ప్రతాప్, ఇప్పుడు కొవ్వూరులో మహేంద్ర. ఎంత మంది ఎస్సీ బిడ్డల ప్రాణాలు తీశాడో గుర్తుపెట్టుకోండి. 
*  100 సంక్షేమ కార్యక్రమాలు రద్దు చేసిన మొదటి సీఎం ఈ జగన్. 
*  2వేల కిలోమీటర్ల పాదయాత్రలో మీ కష్టాలు చూశాను. మీ కన్నీళ్లు తుడుస్తాను.  చంద్రబాబు , పవన్ కల్యాణ్ కలిసి మహాశక్తి ప్రకటించారు. 
*  మహాశక్తి పథకం కింద  ఆడబిడ్డ నిధి:- 18 ఏళ్లు నిండిన మహిళలకు నెలకు రూ.1500 అంటే ఏడాదికి రూ.18 వేలు, 5 ఏళ్లకు రూ.90 వేలు. 2) తల్లికి వందనం:- ప్రతి తల్లికి ఏడాదికి రూ.15 వేలు. ఇద్దరు ఉంటే రూ.30 వేలు. 3) దీపం పథకం:- ఏడాదికి మూడు గ్యాస్ సిలిండర్లు ఉచితం 4) ఉచిత ప్రయాణం:- మహిళలకు ఉచిత ప్రయాణం.   
*  గోదావరి నది చెంతనే ఉన్నా రాజోలు నియోజకవర్గంలో తీవ్రమైన తాగునీటి సమస్య ఉంది. నియోజకవర్గంలోని గ్రామీణ ప్రజలకు రక్షిత నీరు అందడం లేదు. టీడీపీ- జనసేన  అధికారంలోకి వచ్చిన వెంటనే సురక్షిత తాగునీరు అందిస్తాం.  
*  తూర్పుగోదావరి జిల్లా నుంచి ఐదుగురు మంత్రులు అయ్యారు. కానీ జిల్లాకి చేసింది సున్నా. ఒక  మంత్రి పేషీలో జీతాలు ఇవ్వలేదని పేషీకి తాళం వేశారు. ఇంకో మంత్రి ఖజానా కు కన్నం వేస్తే ఉద్యోగం పోయింది. మిగిలిన వాళ్లకు అసలు వారి శాఖ ఏంటో కూడా తెలియదు. 
*  రాజారెడ్డి రాజ్యాంగం పనైపోయింది... అంబేద్కర్ రాజ్యాంగం కాపాడాల్సిన బాధ్యత అందరిపైనా ఉంది.
*  80 ఏళ్ల కార్యకర్త కూడా  బెదిరింపులకు భయపడకుండా తొడకొట్టి సవాల్ చేస్తారు. దట్ ఈజ్ టీడీపీ పవర్. 
*  మూడు నెలలు ఓపిక పట్టండి టీడీపీ కార్యకర్తల్ని వేధించిన వైసీపీ వారికి వడ్డీతో సహా చెల్లిస్తా. రాజోలు లో ఉన్నా రష్యా పారిపోయినా తీసుకొచ్చి లోపలేస్తా.

[psycopk]

Nara Brahmani: నిన్ను చూసి ఎంతో గర్విస్తున్నాను: లోకేశ్ ను ఉద్దేశించి నారా బ్రాహ్మణి ట్వీట్ 

27-11-2023 Mon 16:04 | Andhra

• జనవరి 27న కుప్పంలో ప్రారంభమైన లోకేశ్ యువగళం 
• చంద్రబాబు అరెస్ట్ తో సెప్టెంబరు 9న నిలిచిన పాదయాత్ర
• స్కిల్ కేసులో చంద్రబాబుకు రెగ్యులర్ బెయిల్
• మళ్లీ 79 రోజుల విరామం తర్వాత యువగళం పునఃప్రారంభం
• రాజోలు నియోజకవర్గంలో లోకేశ్ పాదయాత్రకు విశేష స్పందన
• ఫొటోలు పంచుకున్న నారా బ్రాహ్మణి

 

టీడీపీ జాతీయ ప్రధాన కార్యదర్శి నారా లోకేశ్ యువగళం పాదయాత్రను మళ్లీ మొదలుపెట్టారు. నేడు కోనసీమ జిల్లా రాజోలు నియోజకవర్గంలోని పొదలాడ నుంచి యువగళం పునఃప్రారంభమైంది. లోకేశ్ పాదయాత్రకు టీడీపీ శ్రేణులు విశేషంగా తరలివచ్చాయి. తాటిపాక సభకు భారీ స్పందన లభించింది. 

దీనిపై లోకేశ్ అర్ధాంగి నారా బ్రాహ్మణి స్పందించారు. నిన్ను చూసి ఎంతో గర్విస్తున్నాను అంటూ బ్రాహ్మణి ట్వీట్ చేశారు. అంతేకాదు, లోకేశ్ పాదయాత్ర పునఃప్రారంభం దృశ్యాలను ఫొటోల రూపంలో పంచుకున్నారు. 

స్కిల్ కేసులో చంద్రబాబుకు రెగ్యులర్ బెయిల్ లభించడంతో నారా లోకేశ్ తన పాదయాత్రను మళ్లీ పట్టాలెక్కించారు. జనవరి 27న ప్రారంభమైన యువగళం సెప్టెంబరు 9న నిలిచిపోయింది. చంద్రబాబు అరెస్ట్ తో పాదయాత్రకు తాత్కాలిక విరామం ప్రకటించారు. మళ్లీ 79 రోజుల విరామం తర్వాత పాదయాత్ర మొదలైంది.

[psycopk]

Chandrababu: ఢిల్లీ చేరుకున్న టీడీపీ అధినేత చంద్రబాబు 

27-11-2023 Mon 17:29 | Andhra

• ఈ సాయంత్రం న్యాయవాది సిద్ధార్థ్ లూథ్రా తనయుడి పెళ్లి రిసెప్షన్ 
• హాజరు కానున్న చంద్రబాబు
• రేపు సాయంత్రం హైదరాబాద్ కు తిరుగు పయనం

 

టీడీపీ అధినేత చంద్రబాబునాయుడు ఢిల్లీ వెళ్లారు. ఈ సాయంత్రం తన న్యాయవాది సిద్ధార్థ్ లూథ్రా కుమారుడి వివాహ రిసెప్షన్ కు చంద్రబాబు హాజరుకానున్నారు. రేపు సాయంత్రం చంద్రబాబు తిరిగి హైదరాబాద్ చేరుకోనున్నారు. కాగా, ఢిల్లీ ఎయిర్ పోర్టులో చంద్రబాబుకు టీడీపీ ఎంపీలు స్వాగతం పలికారు.

స్కిల్ డెవలప్ మెంట్ కేసులో సెప్టెంబరు 9న చంద్రబాబును సీఐడీ అరెస్ట్ చేసిన సంగతి తెలిసిందే. అనారోగ్య కారణాలతో ఏపీ హైకోర్టు మొదట మధ్యంతర బెయిల్ మంజూరు చేసింది. ఆ తర్వాత రెగ్యులర్ బెయిల్ ఇచ్చింది. ఈ నేపథ్యంలో అక్టోబరు 31న చంద్రబాబు రాజమండ్రి సెంట్రల్ జైలు నుంచి విడుదలయ్యారు. 

హైదరాబాదులో కంటికి శస్త్రచికిత్స చేయించుకున్న ఆయన కొన్ని రోజులు విశ్రాంతి తీసుకున్నారు. శస్త్రచికిత్స అనంతరం చంద్రబాబు బయటికి రావడం ఇదే ప్రథమం. కాగా, చంద్రబాబు ఈ నెల 30న తిరుమల వెళ్లనున్నారు. డిసెంబరు 1వ తేదీ ఉదయం కుటుంబ సభ్యులతో కలిసి శ్రీవారి దర్శనం చేసుకోనున్నారు.

[ShruteSastry]

Erra Book Dorikinda Lolesham

[psycopk]

Nara Lokesh: పాదయాత్రకు బ్రేక్ ఇచ్చినందుకు సారీ!: ప్రజలకు క్షమాపణ చెప్పిన లోకేశ్

27-11-2023 Mon 21:08 | Andhra

• నారా లోకేశ్ యువగళం పాదయాత్ర పునఃప్రారంభం
• రాజోలు నియోజకవర్గం పొదలాడ నుంచి మళ్లీ మొదలైన పాదయాత్ర
• తాటిపాకలో భారీ బహిరంగ సభ
• లోకేశ్ సభకు పోటెత్తిన టీడీపీ, జనసేన శ్రేణులు

టీడీపీ జాతీయ ప్రధాన కార్యదర్శి నారా లోకేశ్ చేపట్టిన యువగళం పాదయాత్ర 79 రోజుల సుదీర్ఘ విరామానంతరం రాజోలు నియోజకర్గం పొదలాడ నుంచి పునఃప్రారంభమైంది. లోకేశ్ 210వ రోజు యువగళం పాదయాత్రకు విశేష స్పందన లభించింది. 

పొదలాడ క్యాంప్ సైట్ నుండి సోమవారం ఉదయం 10.19 నిమిషాలకు లోకేశ్ పాదయాత్ర పునఃప్రారంభించారు. టీడీపీ రాష్ట్ర అధ్యక్షుడు కింజరాపు అచ్చెన్నాయుడు, మాజీ అధ్యక్షుడు కిమిడి కళావెంకట్రావుతోపాటు రాష్ట్రస్థాయి నాయకులంతా లోకేశ్ సంఘీభావంగా పాదయాత్రలో పాల్గొన్నారు. టీడీపీ, జనసేన కార్యకర్తలు ఉమ్మడిగా యువగళం పాదయాత్రలో ఉత్సాహంగా పాల్గొన్నారు. 

తాటిపాక సెంటర్ లో నిర్వహించిన యువగళం బహిరంగసభకు జనం పోటెత్తారు ఇరుపార్టీల కేడర్ నినాదాలతో దద్దరిల్లుతున్న తాటిపాక బహిరంగసభ పరిసరాలు దద్దరిల్లాయి. కోనసీమ నలుమూలల నుంచి భారీఎత్తున జనం సభకు హాజరయ్యారు. సభ అనంతరం దారిపొడవునా వివిధ గ్రామాల ప్రజలు యువనేతకు ఎదురేగి స్వాగతం పలికి తమ సమస్యలు చెప్పుకున్నారు. 

తాటిపాక సభలో లోకేశ్ వ్యాఖ్యల హైలైట్స్...

ముందుగా రాష్ట్ర ప్రజలకు క్షమాపణలు చెబుతున్నాను. మీరంతా నన్ను పెద్ద మనస్సుతో క్షమించాలి. యువగళం పాదయాత్ర కు 79 రోజులు బ్రేక్ ఇచ్చినందుకు మీరు నన్ను క్షమించాలి. ఆ వెంకటేశ్వర స్వామి ఆశీస్సులతో జనవరి 27 న నేను యువగళం పాదయాత్ర ప్రారంభించాను. 400 రోజులు 4000 వేల కిలోమీటర్లు పాదయాత్ర చెయ్యాలని నిర్ణయించుకొని కుప్పం నుండి పాదయాత్ర ప్రారంభించాను. యువగళానికి బ్రేకులు లేవు, వీక్ ఆఫ్ లేదు, శనివారం, ఆదివారం లేదు. 209 రోజుల పాటు ప్రజల్లో ఉన్నా. 10 ఉమ్మడి జిల్లాల పరిధిలో 2853 కిలోమీటర్లు పాదయాత్ర చేసాను.

సంక్షోభాలకు ఎదురొడ్డి పోరాడే దమ్ము మాకుంది!

సంక్షోభాలు, పోరాటాలు టీడీపీకి కొత్త కాదు. ఎన్టీఆర్ గారి దగ్గర నుండి చంద్రబాబు వరకూ అనేక సంక్షోభాలు ఎదుర్కొన్నారు, కష్టాలకు ఎదురునిలబడి పోరాడే దమ్ము టీడీపీకి ఉంది. యుద్ధం మొదలైంది... సైకో జగన్ కి ఎక్స్ పైరీ డేట్ ఫిక్స్ అయింది. సైకో మా కుటుంబం పై కక్ష పెంచుకున్నాడు. ఆఖరికి మా అమ్మ భువనమ్మ, నా భార్య బ్రాహ్మణిపై కూడా కేసులు పెడతాం, అరెస్ట్ చేస్తామని మంత్రులు మాట్లాడారు. ఆ మంత్రులకు భయం పరిచయం చేసే బాధ్యత నాది. సైకోల బెదిరింపులకు, ఉడత ఊపులకు మేము భయపడలేదు. మూడు నెలల్లో సైకో పిచ్చాసుపత్రికి ప్యాకప్.

రూ.43 వేల కోట్లు మింగిన వాడ్ని ఏం చేయాలి?

ఏ తప్పూ చేయని మమ్మల్నే కేసులు పెట్టి జైల్లో పెట్టే పరిస్థితి వస్తే 38 కేసులు, రూ.43 వేల కోట్ల ప్రజాధనం దొబ్బిన పిచ్చోడిని ఏం చెయ్యాలి. ల్యాండ్, శాండ్, వైన్, మైన్ మాఫియా డాన్ గా మారిన పిచ్చోడు మూడు నెలల్లో పర్మినెంట్ గా జైలుకి పోవడం ఖాయం. ఈ వైసీపీ నేతలు ఎక్కడికి పోతారు, మంత్రులు ఎక్కడికి పోతారు? అవినీతికి పాల్పడిన వైసీపీ నేతలందరూ జైలుకెళ్లడం పక్కా... మరి జైలర్ ఎవరో తెలుసా... చంద్రబాబే. మీ తాట తీస్తారు. ఇది ఖాయం... రాసిపెట్టుకోండి.

చంద్రబాబును చూస్తే సైకోకి భయం!

చంద్రబాబుని చూస్తే సైకోకి భయం కాబట్టే అక్రమంగా అరెస్ట్ చేసాడు. సొంత అమ్మని చూసినా, సొంత చెల్లిని చూసినా సైకో జగన్ కి భయమే. సైకో అని ఎందుకు అంటున్నానో మీ అందరికీ క్లారిటీ ఉండాలి. చంద్రబాబు గారి పై ఎన్ని అక్రమ కేసులు పెట్టాడో మీరే చూశారు. స్కిల్ డెవెలప్ మెంట్ కేసు, ఫైబర్ గ్రిడ్ కేసు, ఇన్నర్ రింగ్ రోడ్డు కేసు, ఇసుక కేసు, లిక్కర్ కేసు... త్వరలో అన్న క్యాంటిన్ కేసు కూడా పెడతారంట. పేదలకు ఉచితంగా అన్నం పెట్టడం వలన రాష్ట్ర ఖజానాకి నష్టం వచ్చింది అని కేసు పెడతాడట.

స్కిల్ కేసులో ఒక్క ఆధారమూ చూపలేదు

స్కిల్ కేసు లో వ్యవస్థల్ని మేనేజ్ చేసి చంద్రబాబు గారిని 53 రోజులు జైల్లో పెట్టి సైకో జగన్ ఆనందం పొందాడు. కానీ హైకోర్టులో నిజం గెలిచింది. బెయిల్ ఇస్తూ ఇచ్చిన ఆర్డర్ కాపీ చదివిన ఎవరికైనా జగన్ వ్యవస్థల్ని ఎలా నాశనం చేశాడో అర్ధం అయ్యింది. నాపై కూడా అనేక కేసులు పెట్టారు, సీఐడీ విచారణకు పిలిచారు. ధైర్యంగా వెళ్లాను. ఏం పీక్కుంటారో పీక్కోమని చెప్పాను. తప్పు చేస్తే చంద్రబాబు గారే నన్ను వదిలిపెట్టరు.

తూర్పుగోదావరి అంటే నాకు ఇష్టం

తూర్పుగోదావరి జిల్లా అంటే నాకు చాలా ఇష్టం. ఇక్కడికి ఎప్పుడు వచ్చినా ఈ పచ్చదనం, గోదావరి చూసి ఇక్కడే ఉండిపోవాలి అనిపిస్తుంది. తూర్పుగోదావరి జిల్లా ప్రజలు చూపించే మమకారం, వెటకారం రెండూ సూపర్. అంతర్వేది శ్రీ లక్ష్మీ నరసింహస్వామి దేవాలయం ఉన్న పుణ్యభూమి రాజోలు. ప్రముఖ పర్యాటక కేంద్రం రాజోలు. మంగళంపల్లి బాల మురళీ కృష్ణ , బయ్యా సూర్య నారాయణ మూర్తి, పట్టి కామమ్మ లాంటి గొప్ప వ్యక్తులు పుట్టిన గడ్డ రాజోలు.

రాజోలును అవినీతి అడ్డాగా మార్చిన రాపాక

ఇక్కడ జనసేన శాసనసభ్యుడిగా ఎన్నికైన రాపాక వరప్రసాద్ గారు వెన్నుపోటు పొడిచి వైసీపీ పంచన చేరి రాజోలుని అవినీతికి అడ్డాగా మార్చేశారు. మలికిపురం మండలం కత్తిమండలో 5 ఎకరాల విస్తీర్ణంలో సుమారు రూ.2 కోట్లతో అధునాతన భవనాన్ని నిర్మించుకున్నారు. ఆ ఇంటికి రోడ్డు కోసం రూ.20 లక్షల ఎంపీ లాడ్స్ ను వినియోగించారు. చింతలమోరి సముద్రతీరంలో పేదలకు చెందిన 15 ఎకరాలకు పైగా భూములను ఆక్రమించారు. గతంలో దిండి ఇసుకరీచ్ ను ఎమ్మెల్యే కుమారుడు వెంకట్రావు నిర్వహించారు.

ఐదుగురు మంత్రులయ్యారు... ఏం లాభం?

తూర్పుగోదావరి జిల్లా నుండి ఐదుగురు మంత్రులు అయ్యారు. కానీ జిల్లాకి చేసింది సున్నా. ఒక మంత్రి పేషీలో జీతాలు ఇవ్వలేదని పేషీకి తాళం వేశారు. ఇంకో మంత్రి ఖజానాకు కన్నం వేస్తే ఉద్యోగం పోయింది. మిగిలిన వాళ్లకు అసలు వారి శాఖ ఏంటో కూడా తెలియదు.

*యువగళం పాదయాత్ర వివరాలు*

*ఈరోజు నడిచిన దూరం 15.4 కి.మీ.*

*ఇప్పటివరకు నడిచిన మొత్తం దూరం 2867.8 కి.మీ.*

*211వరోజు (28-11-2023) యువగళం వివరాలు*

*అమలాపురం/ముమ్మడివరం అసెంబ్లీ నియోజకవర్గాలు*

*ఉదయం*

8.00 – పేరూరు క్యాంప్ సైట్ నుంచి పాదయాత్ర ప్రారంభం.

9.00 – పేరూరు క్షత్రియ కళ్యాణ మండపం వద్ద ఆక్వా రైతులతో భేటీ.

10.00 – అమలాపురం హైస్కూలు సెంటర్ లో బిసిలతో సమావేశం.

10.15 – అమలాపురం క్లాక్ టవర్ సెంటర్ లో చేనేతలతో సమావేశం.

10.30 – అమలాపురం ముమ్మడివరం గేటు వద్ద దివ్యాంగులతో సమావేశం.

10.45 – అమలాపురం పుల్లయ్య రామాలయం వద్ద గంగిరెడ్డి సామాజికవర్గీయులతో భేటీ.

11.00 – అమలాపురం వెంకటేశ్వరస్వామి గుడివద్ద కాపులతో సమావేశం.

మధ్యాహ్నం

12.30 – భట్నవిల్లిలో ఎస్సీ సామాజికవర్గీయులతో సమావేశం.

12.40 – భట్నవిల్లిలో యువతతో ముఖాముఖి.

1.40 – భట్నవిల్లిలో భోజన విరామం.

*సాయంత్రం*

4.00 – భట్నవిల్లి నుంచి పాదయాత్ర కొనసాగింపు.

4.30 – పాదయాత్ర ముమ్మిడివరం అసెంబ్లీ నియోజకవర్గంలోకి ప్రవేశం.

5.00 – అనంతవరం సెంటర్ లో స్థానికులతో సమావేశం.

6.00 – గున్నేపల్లిలో స్థానికులతో సమావేశం.

7.45 – ముమ్మడివరంలో స్థానికులతో సమావేశం.

8.30 – ముమ్మడివరం ఉమెన్స్ కాలేజి వద్ద విడిది కేంద్రంలో బస.

******

[psycopk]

Nara Bhuvaneswari: "మైడియర్ సన్" అంటూ లోకేశ్ పై వాత్సల్యం కురిపించిన నారా భువనేశ్వరి

27-11-2023 Mon 22:07 | Andhra

• స్కిల్ కేసులో రెగ్యులర్ బెయిల్ పై బయటికి వచ్చిన చంద్రబాబు
• 79 రోజుల తర్వాత లోకేశ్ యువగళం మళ్లీ ప్రారంభం
• హృదయం గర్వంతో ఉప్పొంగుతోందన్న నారా భువనేశ్వరి

చంద్రబాబు స్కిల్ కేసులో రెగ్యులర్ బెయిల్ పై బయటికొచ్చాక టీడీపీ కార్యక్రమాలకు మళ్లీ ఊపొచ్చింది. టీడీపీ జాతీయ ప్రధాన కార్యదర్శి నారా లోకేశ్ 79 రోజుల విరామం తర్వాత యువగళం పాదయాత్రను పునఃప్రారంభించారు. దీనిపై నారా భువనేశ్వరి భావోద్వేగభరితంగా స్పందించారు. "మై డియర్ సన్" అంటూ తన కుమారుడు లోకేశ్ పై వాత్సల్యం కురిపించారు.

"ఇవాళ నువ్వు యువగళం పాదయాత్రకు బయల్దేరుతున్నప్పుడు ఆంధ్రప్రదేశ్ రాష్ట్ర ప్రజలు నీపై చూపిస్తున్న అపారమైన ప్రేమాభిమానాలు, మద్దతు చూసి నా హృదయం గర్వంతో ఉప్పొంగుతోంది. సానుకూల మార్పు కోసం సాగుతున్న నీ ప్రస్థానం ఒక ఆశాదీపం. ధైర్యంగా ముందుకు సాగు. ప్రజల ఆకాంక్షలే నీకు మార్గదర్శనం చేస్తాయి... నిన్ను నడిపిస్తాయి" అంటూ నారా భువనేశ్వరి ట్వీట్ చేశారు. 

ఇవాళ కోనసీమ జిల్లా రాజోలు నియోజకవర్గంలో పొదలాడ నుంచి యువగళం పాదయాత్ర పునఃప్రారంభించిన లోకేశ్ మొత్తం 15.4 కిలోమీటర్లు నడిచారు. రేపు ఆయన పాదయాత్ర పేరూరు, అమలాపురం, భట్నవిల్లి మీదుగా ముమ్మిడివరం నియోజకవర్గంలో ప్రవేశించనుంది.

[Sanjiv]

10 hours ago, ShruteSastry said:

Erra Book Dorikinda Lolesham

avunanta.

suputra ratnam paina vatsalyam prema anuragam garvam, oh my PDA for the mommy's boy !! Mari odarpu yatra sangati yenti anta??

if you observe closely, only their side is losing control with utter frustration, screaming, yelling, warning with arrests, payback with compound interests, death threats like street fighters and beggars... just like PK. People's problems kakunda veella personal vendatta evariki avasaram? inka veellaku vote evaru vestar??

PAAYE !!